Andreas Goldberger

Da Andreas Goldberger (* 29. Novemba 1972 in Riad im Innkreis, Owaöstareich), gnennd Goidi oda Andi, is a ehemoliga östareichischa Schispringa. Ea woa in de 1990a-Joa ana vu de eafoigreichstn Springa vu da Wöid und amoi Wöidmoasta im Schifliang. Weng seina positivn Ausstrohlung und weng seim freindlichn, lusting Auftretn is a ana vu de greßtn östareichischn Sympathieträga im Schisprungsport.

Lem Werkeln

Aufgwoxn is da „Goidi“ in Woidzöi, wo seine Öitan an Bauanhof betreim. Da Goidi hod an Bruadan und a Schwesta und lebt heid in Mondsee.

Zwischn 1991 und 2005 is a im Schisprungzirkus 175 Moi unta de bestn 10 eineghupft. Seine greßtn Eafoige woan de Siege bei da Viaschaunzntuanee 1992/93 und 94/95, da Team-WM-Titl vu da Noamalschaunzn 2001, zwoa Olympiamedeun 1994, drei Siege im Gesaumtwöidcup, da Schifliang-Wöidmoastatitl am Kuim 1996 und da Schiflugwöidrekoad vu 225 Meta, den a am 19. Mäaz 2000 aufgstöid hod und den 2003 da Matti Hautamäki üwabotn hod. Seine 20 Wöidcupsiege hod a olle voa 1997 gfeiad, oiso voa am Drognskandal, weng dem a a knopps hoiwads Joa vum ÖSV gspead woan is. Nochdem a kuaz üwaleng hod, ob a fia a aundas Laund (Jugoslawien) startn soid, is a doch wieda fia Östareich gsprunga, hod owa an seine greßtn Eafoige ois Anzlsportla nimma in dea Foam aunknüpfm kina.

Am 17. März 1994 is a ois easchta Mensch vu da Wöid üwa 200 Meta ghupft, hod den Sprung owa ned dasteh kina, weswengs ka Wöidrekoad woa.

Seit a sei aktive Karriere beendet hod, is a beim ORF Co-Kommentator und Schisprungexperte.

Sportliche Eafoige Werkeln

Olympische Wintaspiele Werkeln

Olympische Wintaspiele 1994 in Lillehammer

Bronz im Anzlspringa (Großschaunzn)
Bronz im Maunnschoftsspringa (Großschaunzn)

Wöidmoastaschoftn Werkeln

WM 1993 in Falun

Süiwa im Anzlspringa (Noamalschaunzn)
Bronz im Anzlspringa (Großschaunzn)
Bronz im Maunnschoftsspringa (Großschaunzn)

WM 1995 in Thunder Bay

Süiwa im Anzlspringa (Großschaunzn)

WM 1997 in Trondheim

Bronz im Anzlspringa (Noamalschaunzn)

WM 2001 in Lahti

Goid im Maunnschoftsspringa (Noamalschaunzn)
Bronz im Maunnschoftsspringa (Großschaunzn)

Schiflugwöidmoastaschoftn

Süiwa in Harrachov 1992
Goid in Tauplitz 1996
Bronz mit der Maunnschoft in Planiza 2004

Viaschaunzntuanee Werkeln

Gesaumtsiega: 1992/93, 1994/95
2. Plotz: 1996/97
3. Plotz: 1993/94

Wöidcup Werkeln

Gesaumtwöidcupsiega: 1992/93, 1994/95, 1995/96
3. Plotz im Gesaumtwöidcup: 1993/94
1. Plotz im Skiflug-Wöidcup: 1994/95, 1995/96
2. Plotz im Skiflug-Wöidcup: 1991/92
3. Plotz im Skiflug-Wöidcup: 1992/93

Anzlwöidcupsiege Werkeln

20 Weltcupsiege

Datum	Oat	Laund	Disziplin
3. Jenna 1993	Innsbruck	Östareich	Großschaunzn
6. Jenna 1993	Bischofshofn	Östareich	Großschaunzn
17. Dezemba 1993	Courchevel	Fraunkreich	Großschaunzn
4. Jenna 1994	Innsbruck	Östareich	Großschaunzn
11. Dezemba 1994	Planiza	Slowenien	Noamalschaunzn
6. Jenna 1995	Bischofshofn	Östareich	Großschaunzn
8. Jenna 1995	Willingen	Deitschlaund	Großschaunzn
21. Jenna 1995	Sapporo	Japan	Noamalschaunzn
28. Jenna 1995	Lahti	Finnlaund	Noamalschaunzn
8. Feba 1995	Lillehammer	Noaweng	Großschaunzn
12. Feba 1995	Oslo	Noaweng	Großschaunzn
18. Feba 1995	Vikersund	Noaweng	Flugschaunzn
19. Feba 1995	Vikersund	Noaweng	Flugschaunzn
25. Feba 1995	Oberstdorf	Deitschlaund	Flugschaunzn
4. Jenna 1996	Innsbruck	Östareich	Großschaunzn
14. Jenna 1996	Engiberg	Schweiz	Großschaunzn
26. Jenna 1996	Sapporo	Japan	Großschaunzn
28. Jenna 1996	Zakopane	Poin	Großschaunzn
11. Feba 1996	Tauplitz	Östareich	Flugschaunzn
9. März 1996	Harrachov	Tschechien	Flugschaunzn

Auszeichnungen Werkeln

Österreichs Sportla vum Joa 1993 und 1996
Ehrnbüager vu da Gemeinde Woidzöi seit 1996

Im Netz Werkeln

Literatur von und über Andreas Goldberger im Katalog der Deutschen Nationalbibliothek