Georg Sterzinsky

Da Georg Maximilian Kardinal Sterzinsky (* 9. Feba 1936 in Warlack, Ostpreißn (heit Worławki in Poln); † 30. Juni 2011 in Berlin) is Erzbischof vo Berlin gwen. Er is 1989 Bischof vo Berlin worn und is damit da Nochfoiga vo Joachim Meisner gwen. 'S Berlina Bischofsamt is frei gwen, weil da Meisner grod zum neien Erzbischof vo Köln ernannt worn is.

Georg Sterzinsky (2007)

Woppn vom Kardinal

Im Jahr 1994 is s Bistum Berlin zum Erzbistum erhobm worn, womit da Sterzinsky foiglich easchta Erzbischof vo Berlin worn is, und zugleich Metropolit vo da Kirchnprovinz Berlin.

Im Feba 2011 is da Sterzinsky oitabedingt zrucktretn, und am 30. Juni im söibm Jahr is er aa scho gstorbm. Sei Nochfoiga is da Rainer Maria Woelki.