Halleiner Motorenwerke
(Weidagloadt vo HMW)
De Halleiner Motorenwerke (HMW), Halleiner Motorenwerke Hinterberger, Schreitl & Co. vormals Halleiner Motorenwerk Aktiengesellschaft, woar a Heastölla vo Mofas, Mopeds und Motoarolla. Standuat woa zeascht Hallein, am End von de 1950a Joar is des Untanehman daunn noch Kottingbrunn in Niedaestareich iwasiedlt.
| Halleiner Motorenwerke Hinterberger, Schreitl & Co. vormals Halleiner Motorenwerk Aktiengesellschaft in Liquidation | |
|---|---|
| Rechtsfoam | AG[1] |
| Grindung | November 1948 |
| Liquidation | Letzte Produktion und Stilllegung im Mai 1962 |
| Siitz | Hallein bis 1958, nochand Kottingbrunn |
| Midorwata | z'letzt woans ziaka 1300 bis 1600 |
| Branchn | Fahrzeugindustrie |
HMW-Produkte (Auswoi) Werkeln
- HMW Foxinette FM 41
- HMW Foxinette FM 41 S
- HMW 51
- HMW Supersport
- HMW Superluxus-Tandem
- HMW Maya-Roller
- HMW Conny
- HMW Bambi
- HMW Glockner
- HMW Wiesel
- HMW 50 E/ET/Z/ZT
- HMW Transportdreiräder (z. B. Eiswagen)
- HMW Baukastensystem
Weabung Werkeln
- Weabeplakat san vom Werbegrafika Franz „Ferenc“ Antal gwesn.
- Da HMW „Conny“ woara 2-sitziga Motoarolla, domois da easchte 50 cm³-Mopedrolla mid an frein Duachstieg. Er is extra ois Damenfoahrzeig gmocht wuan und da Nauman kummt von da Cornelia Froboess, de wos domois grod in Funk und Füüm guat im Gschäft woa.
Gschichtaln Werkeln
- 1952 hod da Richard Wunderer mid aana Foxinettn, des is a Foahradl mit an Fuchs-Anbau-Motor, a 12.000 km launge Tour gmocht, duach Italien bis in de Sahara, und daunn wieda zruck iba Spanien.
- Da friarige Fernsehmodaratoa Karl Moik is a Leahbua gwesen in de Halleiner Motorenwerk, und sei Muada, de Moik Anni, hod scho in dera Bude g'hacklt.
- Bis zu 30 Lehrling san jewäus in da Lehrwerkstott ausbüüd wuan.
Litaratua Werkeln
- Austro Classic: HMW. Heft 3, 1991.
- Austro Classic: HMW. Geschichte., Heft 6, 2005.
- Salzburger Automobil-, Motorrad- und Touring Club (Hrsg.) mit Beiträgen von Helmut Krackowitzer et al.: Salzburger Automobil- und Motorradgeschichte. Pustet, Salzburg • München 1997, ISBN 3-7025-0363-3.