Hashtag
A Hashtag is a Stichwort in da Foam vo an Metatag, des wo bsundas bei Twitter vawendt wead. De Bezeichnung kimmt vom Doppekreiz „#“ (engl. „hash“) mit dem so a Woat markiat wead. Nochn Hashtag deaf koa Leazeichn mea steh: Beispui „#wikipedia “.
Im Gengsotz zu ondare Tags, wean Hashtags direkt in de Nochricht einbaut. Imma wenn a Doppekreiz eingfigt wead, entsteht so a Tag.
Am haifigstn wean Hashtags bei Twitter vawendt.
Duach a Analyse vo de Hashtags ko festgstejt wean, wejchane Twitter-Themen bsondas beliabt san.[1]
Hashtags hom oba aa a Eignlebm entwicket. Bei Twitter san de Hashtags aa a bsondara Kommentar, wei a de Tweets u.U. in an ugwehnlichn Zammahang stejt. Bei Facebook hom Hashtags koa Tagfunktion, se wean trotzdem vawendt, wenn ma an Woat a bsondare Bedeitung gem wui.
Bashtag Werkeln
Hashtags vo grossn Firmen wean imma efta zu "Bashtags", wenn de Kundn eanare Unzfriednheit zum Ausdruck bringa woin. Beispuisweis hod McDonalds im Jenna 2012 auf Twitter an #McDStories Hashtag generiat, domid Kundn eanare positivn Eafoarunga mit McDonalds im Netz vabroadn kanntn. De Aktion is schnej obrocha woan, wei innahoib vo wenign Stunden recht vui Beschweade- stott Jube-Tweets dazua kursiat san.[2]
Im Netz Werkeln
Beleg Werkeln
- ↑ Archivierte Kopie. Archiviert vom Original [1] am 19. Jenna 2013; abgerufen am 31. Januar 2013.
- ↑ Akwagyiram, Alexis. Are Twitter and Facebook changing the way we complain? , BBC News, 17 May 2012. Obgruafa am 12. Juni 2012.