Hoizkiacha

Hoizkiacha Holzkirchen
Basisdatn
Bundesland:	Bayern
Regierungsbeziak:	Obabayern
Landkroas:	Miaschboch
Koordinatn:	47° 53′ N, 11° 42′ O
Hechn:	691 m ü. NN
Flächn:	48,24 km²
Eihwohna:	16.260 (31. Dez.. 2015)
Dichtn:	337 Eiw. pro km²
Sonstige Datn
Postleitzoi :	83607 (oid: 8150)
Vorwoi:	08024
Kfz-Kennzeichn:	MB
Gmoaschlissl:	09 1 82 120
Moaktgliedarung:	36 Ortstei
Adress vo da Moaktvawoitung:	Marktplatz 2 83607 Holzkirchen
Hoamseitn:	www.holzkirchen.de
Politik
Buagamoasta:	Olaf von Löwis of Menar (CSU)

Hoizkiacha (amtli: Holzkirchen) is a Moarkt im Landkroas Miaschboch und hod 16.260 Eihwohna (2015). Se is damid de grässde Gmoa im Landkroas. De Gmoa liegd 30 Kilometa im Sidn vo Minga an da Auddoboh Minga - Soizbuag.

Oatsteile

• Dann
• Ealkam
• Fähing
• Fellach
• Hoizkiacha
• Kloa- und Grouß-Habening
• Marschoi
• Roggasdoaf
• Sufal

Wirtschafd und Vakea

Hoizkiacha Moaktplotz

Hoizkiacha is de wirtschafdle stärgsde Gmoa im Landkroas. So an de 1.600 Firman hom eanan Sitz in Hoizkiacha. De grässdn davo san da Pharmakonzern Sandoz (Hexal), da Elektronikkonzern Panasonic Electric Works Deutschland und da Büroartigglherschdeja CCL Label GmbH.

Dann gibds no an Hoizkiachna Oberbräu, de letzde vo ehedem 5 Brauarein. Jetz kheads zua König Ludwig GmbH & Co. KG vo da Schlossbrauarei Koiddnbeag.

Indressand is Hoizkircha ois Standoat, weis an niadrigsdn Geweabesteiasotz in Bayern ham. Deszweng hods da Hoizkirchna Buagamoasta Höß in ara Pressekomfarenz aa ois "Monaco vo Bayern" bezeichned.

Hoizkiacha wor scho imma a Vakeasknotnpunggd. In da Römazeid ham se do zwoa Römaschdrassn kreizd. Späda worn des de Soizstrassn Augschbuag - Soizbuag und Freising - Achensää. Heid liegd Hoizkiacha an da Auddoboh A8 Minga - Soizbuag, de Bundesschdrass B 13 gähd middn durchn Oat und soagd fia an moads Vakea.

1857 is mid da Streggn Minga - Hoizkiacha - Rosnhoam de Bohstazion eaäffned worn. Do san dann no de Vabindunga noch Boarischzej, Dägansää und Dejz-Lenggriass dazuakemma. Seid 1972 is Hoizkiacha iwa d'S-Boh vom MVV (Mingara Vakeas-Vabund) im 20-Minuddn-Takd mid Minga vabundn.

Gschichd

Hoizkiacha is woi auf a "Kirch im Hoiz" zrugg zfüan, de wo im 7. Jhdt. in a Rodungsinsl vo Chiemsäa Klosdabriada baud worn is. Es gibd Urkundn aus de Joa 906 und 909, in dene is iwa Hofdog vom Kaiser Ludwig dem Kind de Red. In dene wead üwa a "Holzchirchia" gschriem.

1329 hod Hoizkiacha vom "Ludwig dem Bayern"des Marggdrächd griaggd. 1433 is s'ersde Moi aa Schui eawähnd. Nochm Anschluss ans Eisnbahnnetz 1857 hod Hoizkiacha den ersdn Aufschwung, nochm Bau vo da Auddoboh in de 1930er Joa den zwoaddn khabd und seid dem Anschluss an d Mingara S-Boh 1972 laffd da näxde und dauad oiwei no oo. 1978 san dann im Zug von da Gemeindegebietsreform no Harbenning und Fäähing zur Gmoa kemma.

Medien

Ois lokale Dogeszeidung eascheint da "Holzkirchner Merkur" a Lokalausgob vom Münchner Merkur. Dazua easchein no zwoa moi wächentli s Ozeignblatt "Das Gelbe Blatt", wo aa Artikl und Nochrichtn drin stenga.

Berihmdheitn

Ehrnbiaga

• Joseph Marxbauer (ehem. Buagamoasta) (Verleihung 1916)
• Oskar von Miller (Bauingenieur und Gründa vom Deitschen Museum (Verleihung 1919)
• Alois Burgstaller (*1871 +1945), Kammasänga (hod in Bayreuth gsunga und war vo 1903 - 1909 an da Metropolitan Opera New York engagiat)
• Eugen Zeheter (Lehra) (Verleihung im Joa 1927)
• Geistlicher Rat Dekan Josef Imminger (Verleihung 1954)
• Otto Mair (ehem. Buagamoasta) (Verleihung 1978)
• Geistlicher Rat Pforra Josef Straßer (Verleihung 1984)
• Ludwig Artmann (Gemeinderatsmitglied) (Verleihung 2002)

In Hoizkiacha geboan

• Hubert Hass, Konteradmiral, ehemoliga Militärattaché bei da Deitschn Botschaft in London, seit 2006 Chef des Stabes NATO Marine Component Command in Northwood (GB)
• Martin Hinterstocker (*1954), Eishockeynationalspuila, Bronzemedaliengwinna 1976
• Georg "Girgl" Jennerwein (*1848 +1877), Wuidschütz und boarischa Voiggshejd
• Ullrich König, Regisseur (z. B. Pumuckl Fernsehserie)
• Manfred "Manni" Schwabl (*1966), Fuasboibrofi (FC Bayern Minga, Glubb, Sechzga, 4 Ländaschbui)

Im Netz

 Commons: Hoizkiacha – Sammlung vo Buidl, Videos und Audiodateien

• Hoamseitn vo Hoizkiacha
• Hoizkiacha: Woppmgschicht vom Haus der Bayerischen Geschichte