Iokaste (aa: Jokaste oda Epikaste, oidgriach. Ἰοκάστη) is a Gstoit aus da griachischn Mythologie. Se wor de Frau vum Laios und noch dem sein Dod in zwoata Ehe mit iam Sohn Edipus vaheirat. Zamma mitm Edipus hod se zwoa Buama (Eteokles, Polyneikes) und zwoa Dechda (Antigone und Ismene) in de Wejd gsetzt. Ban Homer hoasst de Iokaste Epikaste.

Iokaste im Mythos Werkeln

Iokaste is de Frau vum Laios und de Muadda vum Edipus. Zweng am Oraklspruch wead da Edipus vum Laios ois Kind ausgsetzt. Ea wead owa grettet und vo Ziagejtan aufzogn. Spada bringt a an Laios ba oana Raffarei um, ohne z wissn, dass des sei Vodda is. Nacha befreit a Theben vu da Sphinx und kriagt Iokaste ois Belohnung zua Frau. Se wissn ned, dass se bluadsvawandt san. Wiar de Worheit iwa si und an Edipus noch Joarn ons Licht kimmt, dahängt si de Iokaste aufgrund vo dera Schand. Da Edipus blendet si nacha mit de goidanen Spangen vo seina Muadda.

Schau aa Werkeln

Kini Edipus, a Tragedie vum Sophokles

Literatua Werkeln

  • Wolfgang Christlieb: Der entzauberte Ödipus, Ursprünge und Wandlungen eines Mythos. Nymphenburger, Minga 1979, ISBN 3-485-01850-3.
  • Johanna J. Danis: Das ödipale Triangulum. 2., überarb. Auflage. Minga 1989, ISBN 3-925350-26-8.

Im Netz Werkeln