Japanische Musik
In da traditionejn Japanischn Musi wean vaschiedne Oatn vo pentatonischn Tonleitan (onkai 音階 „Tonleita“ bzw. chōshi/jōshi 調子 „Musikalische Stimmung“) vawendt.
Af da oana Seit wean Tonleitan vawendt, de aus Gonztönen bstengan und in zwoa Modi voakemman, voa oim in da Gagaku-Musi:
| Nama in da Umschrift | Kanji | Formö | Beispui | |
|---|---|---|---|---|
| „männlicha“ Modus | ryosen | 呂旋 | 1, 2, 3, 5, 6 | c d e g a c' |
| „weiblicha“ Modus | ritsusen | 律旋 | 1, 2, 4, 5, b7/6 | c d f g b c'/c' a g f d c |
Af da aundan Seit wean d'KotoTonleitan mid Hoibtöne vawendt, de kemman in drei Modi voa:
| Nama in da Umschrift | Kanji | Formö | Beispui |
|---|---|---|---|
| hira-jōshi | 平調子 | 1, 2, b3, 5, b6 | c d es g as c' |
| iwato-jōshi | 岩戸調子 | 1, b2, 4, b5, b7 | c des f ges b c' |
| kumoi-jōshi | 雲井調子 | 1, b2, 4, 5, b6 | c des f g as c' |
Hira-jōshi is im 17. Joarhundad vom blindn Koto-Moasta Yatsuhashi Kengyō (八橋検校) entwicklt worn.
In da traditionejn Voiksmusi gibt's a boa Modi, de noch Yin und Yang benaunt san:
| Nama in da Umschrift | Kanji | Formö | Beispui |
|---|---|---|---|
| insen | 陰旋 | 1, b2, 4, 5, b7/b6 | c des f g b c'/c' as g f des c |
| yōsen | 陽旋 | 1, b3, 4, 5, b7 | c es f g b c' |
Af Ryūkyū (Okinawa) wead in da Voiksmusi a Modus mid da Formö 1, 3, 4, 5, 7 (z. B. c e f g h c') vawendt.
Gagaku Werkeln
Gagaku (jap. 雅楽, dt.: elegante Musik) wead in da japanischn Musi de Musioat gnennt, de vom 7. Joarhundat bis zum 9. Joarhundad (Heian-Zeid) am japanischn Kaisahof gspuit worn is.
Uaspringli is de Musioat aus'm Koasareich Kina kemma. Se bsteht aus da Kammamusi und aus da Orchestamusi. Teijweis hod de Musi in Japan kujtische Afgom.
Orte Werkeln
- Bu no mai (武の舞): „Krieagataunz“; a Kategorie vo a boa schneje und wuide Tänz vom bugaku.
- Bugaku (舞楽): „Donz und Musi“; Donztheata mid ana Musibegleitung.
- Bun no mai (文の舞): „zivija Donz“; Kategorie vo laungsaumare Tänz.
- Chinkon (鎮魂): „Geista besänftign“; Shintō-Rituoi
- Dōbu (童舞): Kindadaunz
- Enkyoku (宴曲): Bankettmusi, spöttisch aa enzui gnennt.
- Gagaku (雅楽): „elegante Musi“; Iwabegriff fia a japanische Konzert- und Hofmusi
- Gigaku (伎楽): Kinesische Maskntänz, de uma 600 Japan eareicht hom.
- Hashiri-mai (走り舞): „rennenda Donz“
- Hira-mai (平舞): „gleichmäßiga Donz“
- Imayōuta (今様歌): „zeidgnössische Liada“
- Kagura (神楽) „Sakrajmusi“
- Kangen (管絃): „Blosinstrumente und Saitninstrumente“
- Komagaku (高麗楽): Spädara Nama fia d'koreanische Musi, benont noch'm Kinireich Koma (Goryeo)
- Wagaku (和楽): „japanische Musi“
Im Netz Werkeln
- Japanische Tonleitan (englisch)
- Pentatonische Tonleitern (japanisch)