Karakalpakistan

Der Artikl is im Dialekt Owaöstareichisch gschriem worn.

Karakalpakistan, karakalpakisch Qaraqalpaqstan Respublikasi oda Qaraqalpaqstan (neiche lateinische Schreibweis) bzw. Қарақалпақстан Республикасы oda Қарақалпақстан (vaoitate kirillische Schreibweis), usbekisch Qoraqalpog‘iston Respublikasi (Қорақалпоғистон Республикаси) oda kuaz Qoraqalpog‘iston (Қорақалпоғистон), aumtlich Republik Karakalpakistan, aa Karakalpakstan oda vaoitat Karakalpakien, liegt im zentralasiatischn Laund Usbekistan in da Gegnd vum Aralsee. Ob 1924 woa Karakalpakistan a autonomes Gebiet in da Sowjetunion, noch da Unobhängigkeit vu Usbekistan 1991 iss a autonome Republik woan. Karakalpakistan hod um de 1.612.300 Einwohner (Staund vum 1. Jenna 2009) und a Flächn vu 164.900 km². Da ISO 3166-2-Code fia Karakalpakistan is UZ-QR, d'Haptstod is Nukus.

Koatn vu Karakalpakistan

Karakalpakische Laundschoft bei Moʻynoq

Karakalpakistan hod a eings Parlament, an eingnen Ministarod und a eingne Flaggn. S'Karakalpakische is zsaumm mit'm Usbekischn Aumtssproch.

Geografie

Im Ostn liegt d'Wüstn Kisilkum, im Westn s'Ustjurt-Platoo, im Mittelteu s' Döita vum Fluss Amudarja. Im nerdlichn Teu vu Karakalpakistan liegt de südliche Höiftn vum Aralsee, dea owa imma kleana wiad, wesweng Karakalpakistan Probleme mim Wossahaushoit hod.

Wiatschoft

De Hauptwiatschoftszweige san d'Föaderung vu Eadöi und Eadgas, d'Soiz- und Phosphatgewinnung, da Bewässarungsföidbau (Baumwoi, Reis), d'Lammpi- und Seidnraupmzucht und d'Textüiindustrie.

Bevöikarung

De Bevöikarung vu Karakalpakistan setzt si aus ungefäa jeweus am Drittl Karakalpakn, Usbekn und Kasachn zsaumm. A greßare Mindaheit stöin de Turkmenen doa

De Karakalpakn („Schwarzhiatla“) unterschein si aißalich vu de Usbekn, weus a mongolidas Ausseng hom.

Administrative Untagliedarung

Karakalpakistan untagliadat si in 14 Beziake (karakalpakisch rayon, usbekisch tuman) und 7 Städte (karakalpakisch qalas, usbekisch 'shahar), de direkt da autonomen Republik untastengan. De 7 Städt han: Beruniy (karakalpakisch: Biruniy), Nukus (No'kis), Taxiatosh (Taxiatash), Toʻrtkoʻl (To'rtku'l), Xoʻjayli (Xojeli), Chimboy (Chimbay) und Qoʻngʻirot (Qon'rat). Da Beziak Kegeyli is 2004 duach'd Zsaummenlegung vu de domoling Beziake Kegeyli und Boʻzatov (Buzatov; Hauptoat woa Qozonketkan/Qazanketken) entstaundn.

Beziake in Karakalpakistan

Nr	Beziak	Hauptoat	Nr	Beziak	Hauptoat	Nr	Beziak	Hauptoat	Nr	Beziak	Hauptoat
1	Amudaryo A'mu da'rya	Mangʻit Man'g'ıt	5	Kegeyli Kegeyli	Kegeyli Kegeyli	9	Qongʻirot Qon'rat	Qongʻirot Qon'rat	13	Toʻrtkoʻl To'rtku'l	Toʻrtkoʻl To'rtku'l
2	Beruniy Biruniy	Beruniy Biruniy	6	Moʻynoq Moynaq	Moʻynoq Moynaq	10	Qoraoʻzak Qarao'zek	Qoraoʻzak Qarao'zek	14	Xoʻjayli Xojeli	Xoʻjayli Xojeli
3	Chimboy Chimbay	Chimboy Chimbay	7	Nukus No'kis	Oqmangʻit Aqman'g'ıt	11	Shumanay Shomanay	Shumanay Shomanay	de oban Naumen han usbekisch, de druntan karakalpakisch
4	Ellakqala Ellikqala	Boʻston Bustan	8	Qanlikoʻl Qan'lıku'l	Qanlikoʻl Qan'lıku'l	12	Taxtakoʻpir Taxtako'pir	Taxtakoʻpir Taxtako'pir

Im Netz

 Commons: Karakalpakistan – Sammlung vo Buidl, Videos und Audiodateien

• Karakalpakistan - Fotografie