Koroibos vu Elis
| Der Artikl is im Dialekt Owaöstareichisch gschriem worn. |
Da Koroibos vu Elis (auf griechisch Κόροιβος Ἠλεῖος) is da easchde mid seim Naum bekaunnte Olympiasiega aus da griechischn Antikn. Ea hod am 21. oda 22. Juli im Joa 776 v. Kr. bei de Wettkämpfe in Olympia (Ολυμπία) im domois oanzing Wettaumpf gwunga, nämli im Stadionlauf üwa 192 Meta. Mid seim Naum faungan de Siegalistn aus da Antikn au und damid aa d'Zeitrechnung noch de 4-jähring Olympiadn, obwoih augnumma wiad, dasss aa voahea schau Weetkämpfe fia'n God Zeus aun genau dea Stöi gem haud.
Da Koroibos is a Priesta (mageiros) und a soziala Aufsteiga aus da Launschoft Elis, de wos de Olympischn Spiele behoamatet hod, gwen. Mageiros is oft foisch mid „Koch“ üwasetzt woan. De Föih-Intapretazion is zwoa schau in de 1960a-Joa widalegt woan, in de Medien iss owa imma nu vabreitet.
Literatua Werkeln
- Ingomar Weiler: Der Sport bei den Völkern der Alten Welt. Eine Einführung. Wissenschaftliche Buchgesellschaft, Darmstod 1981, ISBN 3-534-07056-9.
- Judith Swaddling: Die Olympischen Spiele der Antike. Reclam, Stuttgart 2004, ISBN 3-15-018293-X.
| → Dea Artikl basiad auf ara frein Ibasetzung vom säim Artike in da Wikipedia af Deitsch. |