Da Hamelin Marc-André (* 5. September 1961 in Montréal) is a kanadischer Pianist und Komponist.

Marc-André Hamelin (2003)

Da Hamelin hod in Philadelphia bei da Hubert Yvonne, am Wedeen Harvey und am Sherman Russell glernt. D'Leid song, doss da Hamelin oana vo de greßdn Pianistn heitztog is, s'werd a gred, dossa in technische Sochan da beste Pianist vo da Wejd is.

Spuin deada vor oim Stickl vo Komponistn ausm neinzehntn und am zwonzigstn Joarhundert, wo ma ned so guad kennt, ober de Standardstickl vom wejdwoatn Konzertrepertoire hoda a drauf. Bsunders gern spuida saggrisch schware Musi, wia zum Boaspui da Godowsky Leopold, da Ornstein Leo, da Roslawetz Nikolai, da Ives Charles oder da Sorabji Kaikhosru wejche gschriam ham. Wiara de Stickl vom Alkan Charles Valentin und am Dukas Paul vorgfiehrt hod, wors a bsunders große Gschicht.

Da Hamelin hod an Haufn Oim fas Lebl Hyperion afgnumma, ned bloß vo de Komponisten, wo om stengan, sundern a vom Albeniz Isaac, am Brahms Johannes, am Busoni Ferruccio, am Chopin Frederic, da Eckhardt-Gramatte Sophie-Carmen, am Grainger Percy, am Haydn Joseph, am Kapustin Nikolai, am Liszt Franz, am Korngold Erich Woifgang, am Marx Joseph, am Medtner Nikolai, am Reger Max, am Schtschedrin Rodion, am Schostakowitsch Dmitri, am Schumann Robert, am Skrjabin Alexander, am Szymanowski Karol und am Villa-Lobos Heitor.

Komponiern deadta aa, in da Hauptsoch Klavierstickln, wo a sejba spuin dead. Jetz grod issa dro, an großn Zyklus vo zwejf Etidn zschreim, zehn hoda scho.

An Haufn Preis homs eahm gem:

  • 1985 - 1. Plotz bei da Carnegie Hall American Music Competition
  • 1989 - Virginia-Parker Preis (Kanada)
  • 1992 - Preis vo da deitschn Schoiplottenkritik
  • 1994 - Preis vo da deitschn Schoiplottenkritik
  • 1996 - Juno Award
  • 1996 - Cannes Classical Award
  • 1996 - Preis vo da deitschn Schoiplottenkritik
  • 1997 - Juno Award
  • 1997 - Preis vo da deitschn Schoiplottenkritik
  • 1998 - Preis vo da deitschn Schoiplottenkritik
  • 1998 - Juno Award
  • 1998 - Opus Award (Kanada), Musikant vum Joar
  • 1999 - Juno Award
  • 1999 - Opus Award, Bursch vum Joar
  • 2000 - Preis vo da deitschn Schoiplottenkritik
  • 2002 - Grammophone Award
  • 2002 - Australian Soundscape Award
  • 2002 - Preis vo da deitschn Schoiplottenkritik
  • 2003 - Wejdwoata Großer Preis vo da Liszt-Franz-Okademie
  • 2003 - Officer vum Order of Canada (d'heckste Auszeichnung vo Kanada fa Zivuileid)
  • 2004 - Chevalier (Ritter) vum Ordre national du Quebec
  • 2004 - Wejdwoater Schoiplottnpreis in Cannes
  • 2005 - Echo Klossik
  • 2005 - Preis vo da deitschn Schoiplottenkritik
  • 2006 - Ehrnurkund (Heckste Auszeichnung) vo da deitschn Schoiplottenkritik
  • 2008 - Juno Award
  • Ehrndoktorwird vo da Laval-Universität, Quebec

Literatua Werkeln

  • Robert Rimm: The Composer-Pianists: Hamelin and The Eight. New York 2002 (engl.) ISBN 1-57467-072-7

Im Netz Werkeln