Margret Hölle
| Der Artikl is im Dialekt westlichs Nordboarisch gschriem worn. |
De Margret Hölle (* 2. April 1927 in Neumarkt in der Oberpfalz; † 16. Oktoba 2023 in Minga) woar a boarische Lyrikerin, Erzählerin und Dichterin.
D Margret Hölle is z Naimakk af d Wölt kumma und durt afgwåchsn, spejter is's weggazung, zuletzt hod's z Minga glebt. Si hout a Schauspülasbüldung gmåcht, nou es Schauspülexamen af da Daitschn Schauspülschöl z Minga. Noucha is's fir a lengare Zait a Sprecherin ban Bayerischn Rundfunk gwen. Sait 1956 wern Gedichte vo irer assabroucht, in Zaitschriftn, Schölbejcher, Anthologien, in Rundfunk und in Fernseang. S erschte Bejchal hod's 1976 gebn, dean san nu åndare, oa in da åltn Lånd-Mundort vo da Gechad (Fränkischer/Owerpfölzer Jura), oa in da Schrifthouchsprouch gfoigt.
In iraner Hoamatstod Naimakk hout'sa'se angaschiert, daß es Museum Lothar Fischer grindt wird, des is 2004 afgmåcht worn. Si woar a Mitglid ba da süddeutschen Literatenvereinigung Münchner Turmschreiber.
Werk Werkeln
Bücher Werkeln
- A weng wos is aa vüi, 1976
- Iwa Jauha und Dooch, 1981
- Unterwegs, 1988
- Wurzelherz, 1991, 1996
- Blöiht a Dornbusch, 1997
- Distelsamen, 1999
- Zeit aaffanga, 2005
Hörbuch Werkeln
- Oberpfälzer Psalm, 2002
Gsunga und gspült Werkeln
- Kilza Setti (*1932): Singende Landschaften. Sieben Lieder für Bariton und Klavier (2000). Texte as Distelsamen
- Jens Joneleit (*1968): Kitzgrau. Drei Lieder für Frauenstimme, Bassflöte/Altflöte/Flöte und Klavier (2002). Texte as Blöiht a Dornbusch
Auszeichnungen Werkeln
- Kulturpreis der Stadt Neumarkt in der Oberpfalz, 1990
- Friedrich-Baur-Preis für Literatur vo da Bayerischen Akademie der schönen Künste, 1996
- Nordgaupreis vom Oberpfälzer Kulturbund für Dichtung, 1998
- Bayerischer Poetentaler vo da süddeutschen Literatenvereinigung Münchner Turmschreiber, 2003
- Kulturpreis des Bezirks Oberpfalz, 2004
- Literaturpreis des Oberpfälzer Jura, 2009
- Bayerischer Verdienstorden, 2012