Zölla-Bauhn
De Zölla-Bauhn, eigantli: Mariazöllabauhn (dt.: Mariazellerbahn), ohkiazt: MzB, is de Eisnbauhnvabindung vo St. Pödn, des is de Laundeshauptstod vo Niedaöstareich mim Woifoahtsuat Mariazö in da Steiamoak. Uaspringli is bis Gußwerk gaungan. Es is a elektrifiziate Schmoispuabauhn mid ana Spuaweidn vo 760 Müllimeta.
St. Pölten–Gußwerk | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
![]() | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Streckennummer: | 153 01 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Kursbuchstrecke (ÖBB): | 115 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Strecknläng: | 91,3 km | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Stromsystem: | 6,5 kV / 25 Hz ~ | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Maximale Neigung: | 28 ‰ | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Minimaler Radius: | 78 m | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Hächstgschwindigkeit: | 80 km/h | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
Ghean und betreim duads seitn Dezemba 2010 de NÖVOG, des is de Niederösterreichische Verkehrsorganisationsgesellschaft. Zletzt haum sa se suichane Triabwogn kaft, de wos „Himmlstreppm“ haßn. An anzelne Himmelstreppm-Garnituan wean aa de neichn Aussichtswogn aughängt.
De Gschicht vo da Zölla-Bauhn Werkeln
A gaunze Zeid is hea,
do woa bei uns heimisch da Bär.
De Leit san vo weidn zua Maria heazogn
und da Herrgott hods gschützt vo do drobn.
Do hod ma si zaumgsetzt und hod ma studiat,
wia warads mit ana Bauhn, de in de Beag einifiaht.
A Schmoispur miassats sei, so hod ma si denkt,
de wengan Plotz um de Beag umilenkt.
Zua Maria hi, da warad ma daun schnöö,
es is ja bekaunt des Mariazöö.
Und so faung ma glei aun,
vo St. Pödn zan baun.
Zeascht wiad amoi grod gmochd, daun kemman de Schwöön,
und eftas a Bruckn, fia gaunz diafe Stöön.
Es wird ollawäu stäula, den Beagn geht's zua,
a Schlucht, a Bruckn, de Leit haum koa Ruah.
Mia miassn des schoffn, geht's krumm oda grod,
sunst kummt fia de Bauhn sowieso scho ois z'spod.
Händisch wird g'oawad, do geht's ned so schnöö,
beim Wastl am Woid kummt a launga Tunnöö.
A Bauhnhof, a Föösn, a heilige Ruah,
a wundascheens Fleckal, und da Ötscha schaut zua.
Ums nächste Eck ume, geht's glei wieda aun,
do hod ma amoi gschaut, ob jeda no kaun.
Boid drauf wird's enga, koa Wegal, koa Pfod,
hiaz hea ma daun auf, es is eh scho so spod.
Duachn nächstn Beag duach, scho wieda a Klaumm,
da moch ma a Bruckn, mit dea gläng ma scho zsaum.
Hiaz wird's laungsam groda, a Wiesn, a Woid,
de Leit ham a Freid, mia san im Steirischn boid.
A Deafl no duach, de Oawad geht schnöö,
scho seh ma den Kiachtuam vo Mariazöö.
A letzts Moi beagoh, daun da Soiza entlaung,
mia san boid in Gußweak, dem Himml sei daunk.
Auf amoi findt da Bauhnbau a Ruah,
da Wödkriag draht uns den Gödhauhn zua.
Plant hod des gaunze da Ing. Fogowitz, a gaunz gscheida Mau,
den haums hoid gnumman, wäu's a aundra ned kau.
A Daumpflok haums baut, den Kessl aughoazt,
des erschte Moi beagfoahn hod a gaunz schee groazt.
Noch etli poa Joah, vü Ruß und vü Dreck,
do hod ma scho redn gheat, da Daumpfa muass weg.
Ned mit Diesl, ned mit Daumpf,
elektrisch wü ma foahn ins Zöllalaund.
Wea sui leicht des mochn, wer sowos wui kau?
Es wead sas ned glaum, es woa da Dr. Englmau.
A Maua haums baut und des Wossa aufgstaut,
beim Eibau vo da Turbin hod eh ois hinghaut.
Mostn haums gsetzt und an Droht driwagspaunt
und scho foahns elektrisch ins streirische Laund.
1099 muass hoaßn, de Schmoispua-Maschin,
se hod auf jen Drehgstöö an E-Motoa drin.
Leit duads fiahn und an Haufn Huiz,
ma is auf de Lok richtig stuiz.
De Joahzehnte gengan vuabei,
und de Lok rennt, ois warads no nei.
De Motoan san no guad beinaund,
drum kriagts in de 60er Joah nua a neichs Gwaund.
Und so geht's weida in ihrm hoartn Lem
und se muass beim Aufstiag oft de gaunze Kroft gem.
So schnöö kau des gehn, s'is wia a Tram,
zuadroht wiad Gußwerk, ma glaubt des no kam.
Und aus is mim Huiztraunspuat,
an jedn föön do de richtign Wuat'.
Owa bis Mariazö bleibts no do,
da san gwiss a Haufn Leit froh.
Weu waun ma's Bergstickal a no zuaspean,
dann gabats in Zö nur mehr de Bärn.
Ma hod se de Orwad gmochd
und hod wieda Bärn ins Laund einebrocht.
Owa ned nua da Bär is de Neiigkeit,
an Triabwogn gibt's a scho seit anicha Zeit.
Freili is da Zug gaunz nei,
owa Aungst hod ma a dabei,
wäu er nimmt uns de Oawad weg, des muass ma aa sogn,
des is hoid da Nochtäu vo so an Triabwogn.
Und hiaz schliaß i meine Zäun, so hob i ma's gricht,
wäu sunst wiad's z'laung fiara Gedicht.
Triabfoahzeig' Werkeln
- Daumpfloks vo de Reihn U, Uv, Uh, Mh und Mv.
- E-Lok 1099: im Plauneisotz vo 1911 bis 2013, oiso iwa 100 Joah! Aum End vo de 50er-Joah haums owa an neichn Kostn kriagt.
- Diesllok 2095 (Baujoah uma 1960): bei Maungl aun eisotzfähign 1099er, v. a. in de letztn Joah, woan aa oft Dieslfoahzeig zan autreffn.
- E-Triabwogn 4090 (Baujoah 1994): zwoa Garnituan, de haum se ned wirkli bewährt.
- Diesltriabwogn 5090 (aus de 90er-Joah): de san hauptsächli im Toiohschnitt bis Laubenbachmühle gfoahn, sodass se duatn a Stundntakt ausgaungan is.
- E-Triabwogn ET Himmelstreppe: seit Oktoba 2013 kumman ohgsehn vom Nostalgiezug Ötscherbär nua meah de neichn guidanan Niedaflurtriabwogn zan Eisotz.
-
Mh.6 mit an Touristikzug
-
1099.01 no mim oidn Kostn
-
1099.011 in Mariazö
-
A 2095er auf da Oim
-
4090er in Annaberg
-
5090er auf da Krumpm
-
A Himmelstreppm vo da NÖVOG vua da Eifoaht in' Bauhnhof Wintaboch
Begriff' Werkeln
- Krumpm: de „Krumpm“ is de 2010 eigstööte Zweigstreckn noch Maunk, de uasprüngli no weita iwa Wieselburg noch Gresten gaungan is; da Ohschnitt vo Wieselburg noch Gresten is um de Joahtausendwendn auf Noamäuspur umspuat wuan und wiad no im Gütavakeah betriam. Des Wuat kummt vo da gekrümmtn (krumpm) Ohzweigung in Ober Grafenduaf, wo de Streckn an stoakn Rechtsbogn mocht - de Zölla-Bauhn fiaht hingegn schnuagrod bis Klaungen weida, drum wiad's aa ois „Grode“ bezeichnat.
- Oim: 1922 is da Lokoibauhnhof vo St. Pödn in Alpenbahnhof umbezeichnat wuan. Des woa den Mitoawadan vom ausfiahrandn Betriebsdienst aunscheinand zua laung, dass nocha oafoch „Oim“ dazua gsogt haum.
- Laubm: Laubenbachmühle is aa so a laungs Wuat ...
- Krumpa Wogn: wäu de Krumpm ned elektrifiziat woa, hosd Wogn mit ana Webastohoazung braucht, de hod ma „krumpe Wogn“ gnaunt.
- Groda Wogn: fia de Zölla-Bauhn reichn Wogn mit ana elektrischn Hoazung.
- Steirawagal: des woan de oidn greanan zwoaachsign Wogn. Ob de Bezeichnung vo de ähnlichn Wogn auf da Streckn Kapfenberg - Au-Seewiesen kummt, vo de greanan Salonwogn auf da Murtoibauhn oda oafoch nua vo da greanan Mark, des kau ma nimma sogn.
- Weiße Wuikn: des is de Schneeschleida, wäu wos aundas siechst ned, waun de vuabei foaht.
- Stoabremsn oda Stoaschleida: waunst de Bremshundatstl ned eareicht hosd, z. B. bei Launghuizwogn oda Ruiböckn, hod ma sognaunte Ballostwogn oda Hüfsbremswogn aum Zug drauhänga miassn; de haum a Bremsahittn ghobt und a Bedaugwicht - waun ma de aum Zugschluss aughängt hod, is da Wognlauf schlechta wuan, wäu do hosd schleidan eine kriagt.
Büdln Werkeln
-
Da Bauhnhof Wintaboch auf 719 Metan Seehechn
-
Bauhnhof Gösing, Panorama mim Ötscha
-
Heugrabenviadukt
-
Da Saugrabenviadukt
-
Da heitige Endbauhnhof Mariazö
Im Netz Werkeln
- Commons: Zölla-Bauhn – Sammlung vo Buidl, Videos und Audiodateien
- Mariazellerbahn, Netzseitn vo da NÖVOG (www.noevog.at)
- Freunde der Mariazellerbahn (www.mariazellerbahn.at)
- Club Mh.6 (www.mh6.at)
- Zölla-Bauhn ois interaktivs 360°x180°-Panoramafoto (braucht Flash)
- Bilder aller Tunnelportale der Mariazellerbahn, auf Eisenbahntunnel.at
- Aktuella Foahplan vo da NÖVOG