Nu Metal
| Der Artikl is im Dialekt Soizkaummaguadlarisch gschriem worn. |
Nu Metal wiad seid de 1990a Joa a grouß' Segment vo härtara Rockmusik bezeichnt, wos se im vorign Joazehnt duachn Crossover vom Punk, Hardcore, Grunge und Independent abgspoitn hod und zu an eiganen Üwabegirff worn is.
Definition Werkeln
De Musi hod Elemente vom Metal drinn, es fön owa de grundlegendn Gemeinsaumkeitn. Trotzdem stengan politisch-kritische Meinungen im Voadagrund, deswegn hod se a vamoaktungstechinsch guade Grundlog gfundn de „neiche Musi“ mid ana „neichn Genaration“ z'vabindn und z'vamoaktn. In da Mittn vi de 90er is de Nochfrog noch neie Metal-Untagruppn rögerecht explodiad und is a gezüt durch de Medien und da Musikindustrie gsteiat worn. Aus musikalischa Sicht is Nu Metal eha Rhythmusorientiad und vo vaschiedane aundare Musikstile wia (Hip Hop, Electronica, Industrial) beeinflussd. Bekaunte Bands san Korn, Slipknot, Limp Bizkit und Linkin Park.
Entstehung und Gschicht Werkeln
De musikalischn Wurchzln vom Nu Metal san Heavy Metal, Hip Hop und Electronica, wobei d'Gitarr eindeitig im Voadagrund stehd. Anundare Elemente findn lediglich ois zusätzliche Untastützung Vawendung, in Form vo Hip Hop Beats ois Rhythmuserweitarung oda Synthesizer Kläng bzw. vazerrte Stimmen.
Nu Metal enthoit in nahezu unvaänata Form de Stüelemente, de von da US-amerikanischn Hardcore -Bewegung in de 80er durchn Crossover mid aundare Richtungen entwicküt worn san. Es hod scho in de 80er easchte Berührungen zwischn da Rockmusik und an Hip Hop gem.
Am Aufang vo de 90er hod mid Rage Against The Machine s'easchte moi a Crossover-Band an intanationaln Durchbruch gschoft, RATM hod regömäßig Metal-Riffs mid Raptextn kombiniad. Obwoi RATM söwa ned zum Nu Metal dazuagerechnet wiad, iss oana vo de wichtigstn Wegbereita vo dera Musikrichtung.
Parallel zum Nu Metal is da Nu Rock entstaundn, der se a wönge mehr noch Rock ois noch Metal auhead. De Grenz zwischn de zwoa Stil is olladings gscheid vaschwumma.
A boa bekaunte Bands Werkeln
- Adema
- Coal Chamber
- Deftones
- Drowning Pool
- Ill Niño
- Kittie
- Korn
- Limp Bizkit
- Linkin Park
- Mudvayne
- Mushroomhead
- Nonpoint
- Papa Roach
- P.O.D.
- Saliva
- Slipknot
- Staind
- Static-X
- Taproot
A Üwasicht finsd unta Kategorie:Nu-Metal-Band.
Im Netz Werkeln
| → Dea Artikl basiad auf ara frein Ibasetzung vom säim Artike in da Wikipedia af Deitsch. |