Paul Chaim Eisenberg

Da Paul Chaim Eisenberg (* 26. Juni 1950 in Wean) is da Obarabbina vau da Israelitischen Kultusgemeinde Wean.

Oberrabbiner Eisenberg auf der Wiener Buchmesse 2017

Ea staumt aus ana Rabbinafamülie und hod in Jerusalem a Rabbinatsstudium absolviat. Vuahea hod a a Mathematik-Studium an da Uni Wean augfaungt ghobt, wos eam oba ned so zuagsogt hod. Sei Voda da Akiba Eisenberg woa Obarabbina vau Wean. 1983 wia sei Voda gschduam gwen is, is a söwa Obarabbina vau Wean wuan. Seit 1988 is a aa da Obarabbina vau Österreich (genau gnumma vau de Israelitischen Kultusgemeinden vau Österreich). 1988 wora Mitbegrinda und Ehrenpresident vaum „Jüdischen Institut für Erwachsenenbildung“.

Da Eisenberg is aa a begeistata Klesmer-Musikant. Ob und zua tritt ea aa ois Sänga und Gitarrist auf, z. B. jeds Joa beim KlezMore-Festival und beim Kantorenkonzert in Wean. Zauman mitm ORF hod a anno 2001 a CD ausabrocht As der Rebbe lacht.

Vaeffentlichungen (Auswoi)

Biacha

• mit da Evelyn Adunka: Erlebnisse eines Rabbiners: Geschichte und Geschichten. Molden Verlag, Wean 2006, ISBN 3-85485-127-8
• mit Willi Goetschel und Hermann Levin Goldschmidt Das jüdische Lehrhaus als Modell lebensbegleitenden Lernens, Passagen Verlag, Wean 1999. ISBN 978-3851653915

Aufsätze

• Paul Chaim Eisenberg: Wenn der Rebbe lacht (in Jüdische Allgemeine vaum 30.08.2012)
• Die "Café Sonntag"-Glosse von Paul Chaim Eisenberg (orf.at)

CD/DVD

• As der Rebbe lacht (jiddische Liadln, chassidische Weisn und Eazöhlungen). ORF (Liebermann), 2001. ASIN: B000056FJG

Auszeichnung

• Großes Goldenes Ehrenzeichen mit dem Stern für Verdienste um die Republik Österreich

Im Netz

• Literatur von und über Paul Chaim Eisenberg im Katalog der Deutschen Nationalbibliothek
• "Shalom! Music between Friends" begeisterte das Publikum@1@2Vorlage:Toter Link/www.evang.at (Seite nicht mehr abrufbar; Suche in Webarchiven) (Bischof, Oberrabbiner und Abtprimas musizierten im Stift Altenburg - Video auf youtube)