Paulus vo Tarsus

Da Paulus vo Tarsus (gr. Παῦλος, Paulos; hebr. שָׁאוּל, Scha'ul; † um 65, vermutlich in Rom) is a erfolgreicha Missionar vom Urchristntum und oana vo de easchtn Theologn in da Christntumsgschicht gwen und zejht zu de wichtigstn Heilign.

Paulus vo Tarsus (rechts) in 'm Buidl von Albrecht Dürer

Ois griachisch gebildeta Jude und gsetzestreua Pharisäa hod da Paulus zeaascht de Ohänga vom gekreizigtn Jesus vo Nazaret, dem er söiba übahaupts nia begegnet is, verfoigt. Noch seina Bekehrung hod er si oba ois vo Gott beruafna „Apostl vom Evangelium für de Vöika“ verstandn. Ois soicha hod er bsondas Nichtjudn de Aaferstehung Christi verkündt. Dazua hod er s östliche Gebiet ums Middlmeea bereist und dort einige christliche Gmoana gründt. Durch seine Briafe is er mit dene in Kontakt bliebm.