De Tour de Sol is a Autorenna fia Autos und Foahzeige, de wo mid Solaraodrieb und ned mid Vabrennungsmotoa foahn. De easchte Tour de Sol is 1985 in da Schweiz duachgfiadd worn. Organisiad hod des Solarmobuirenna da Schweiza Untanehma und Solarpionia, Josef Jenni. Uaspringli woa de Vaostoitung ois Weabeakzion fia de Firma vo Jenni konzipiad. Mid dera Akzion hod da Jenni zoang woin, doss d’Solarenagie ned nua in hoasse Lända funkzioniad, sondan aa in Middleiropa und sogoa in de Schweiza Oipn. Ba da easchtn Etappe vo da Tour de Sol vo Romanshorn noch Wintathur woan 73 Solarmobui om Start gwen. Gwunna hod des Solarauto alpha real, wos da Autoheasteja Mercedes-Benz produziad hod.

Via Kategorien vo Foahzeige san zuaglossn gwen:

  1. Solarmobuie ohne on Zuasotzotrieb
  2. Solarmobuie mid om Zuasotzotrieb, wos hoassd Musklkroft.
  3. "Seriensolarmobuie", domid moana de Vaostoita, doss de Foahzeige oda Tei dovo fia'ra Serienprodukzion taung.
  4. Foahzeige aus dera Kategorie hom kaum Beschrenkunga in da Konstrukzion, se sojtn owa umwejdfreindli sei.

De zwoate Tour de Sol is vo Freibuag im Breisgau (Deitschland) noch Suhr im Kanton Aargau gonga. Dobei hom Solarfoahzeige ohne Zuasotzotrieb Spitzngschwindigkeitn vo 120 km/h gschoffd. Duachschnittsgschwindigkeit hod 49 km/h bedrong. De lezde Tour de Sol is 1994 vo de Vaostoita in da Schweiz duachgfiahd worn.

Heit wead a Solarmobiurenna aa unta'm Nam: Tour de Sol in de USA vo da Organisazion Northeast Sustainable Energy Association (NESEA) duachgfiahd.

Beleg Werkeln