Tschikatilo
Andrei Romanowitsch Tschikatilo (russ. Андрей Романович Чикатило, wiss. Translit. Andrej Romanovič Čikatilo; * 20. Oktoba 1936 in Jablotschnaja, Ukraine; † 16. Feba 1994 in Nowotscherkassk, Russische Federation), aa bekaunt ois Da Rostow Ripper und Da Schlächta vo Rostow, woa a ukrainisch-russischa Serienmeada und Menschnfressa , den wos 53 Opfa nochgwiesen wuan san. Ea hod söwa aungem, dass s mindastens 56 Opfer gwesn san.
Da Tschikatilo woa vom Beruf Leara. Wäu a si ned duachsetzn hod kenna und wäus aa sexuelle Ibagriff auf Schila gem hod, hod a sein Beruf aufgem miassn und is Fabrikorbata wuan. Ea woa vaheirat und hod zwaa Kinda ghobt. 1978 hod a sein easchtn Moad begaungan. Ea hod a neinjaarigs Madl in sei haamlich kaufte Datscha glockt. Da Vasuach si zum vagewoitign is eam wegn Erektionsprobleme danemgaungan, deshoib hod a des Mensch umbrocht. Ba da Eamoadung hod a daunn an Orgasmus ghobt. Vo dem Dog aun hod a nua no duach Quöön und Eamoadn sexuelle Befriedigung kriagn kenna. Fia den Moad is da Vuabesitza vo da Datscha zu Unrecht zum Tod vaurtäut und higricht wuan.
Urtei Werkeln
Am 14. Oktoba 1992 is da Tschikatilo zum Tod duach Gnackschuss vaurteit wuan:
- Todesstrof und 56 Joa Hoft fia de Moade in in Russland
- Todesstrof und 5 Joa Hoft fia de Moade in da Ukraine
- Todesstrof und 25 Joa Hoft fia de Moade in Usbekistan
- Gsaumt: Dreifoche Todesstrofe und 86 Joa Hoft.
Am 16. Feba 1994 is da Tschikatilo im Gfängnis vo Nowotscherkassk duach an Schuss ins Gnack hingricht wuan.
Literatua Werkeln
- Tom Rob Smith: Kind 44. ISBN 978-3-8321-8056-0
- Peter Conradi: Der Todesengel von Rostow. ISBN 3-404-13456-7
- Richard Lourie: Die Jagd nach dem Teufel von Rostow'.' ISBN 3-442-42201-9
- Mikhail Krivitch, Olgert Olgin: Der Mann aus der Hölle. ISBN 3-453-06367-8
- Hans Pfeiffer: Der Zwang zur Serie. Ullstein (04/2001); ISBN 3-548-36227-3
- Robert Cullen: The Killer Department. Pantheon Books, New York 1993, ISBN 0-679-42276-5 (englisch; woa Vualog fian Füm "Citizen X")