Verso (lat.umdran, 'schwenkn“) hoast de Hintaseitn fu am Bladl Bobia, am Papiarus, am Peagament oda fu an Gödschain. Bai mitloitaliche Biacha zöd ma oft de Peagamentbladl und ned wia in modeane Biache de Foada- und Hintaseitn fu am Bladl. Bai soichane oidn Kodizes is de Verso-Seitn oiso de Hintaseitn fu am Peagamentbladl, oda im aufgschloganen bundanen Buach de linke Seitn. Bai da Seitnaungob schreibt ma desweng de Numa fum Peagamentbladl und daun a hochgschdöds „v“, z. B. 76v, fia de Hintaseitn fum 76dn Bladl.

Im bundanen Buach is links de Verso-Seitn und rechts de Recto-Seitn.

D'Foadaseitn hoast im Gengsoz dazua Recto.

Verso is heit a Fochbegrif in da Uakundnfoaschung, wai sunst sogt ma im Boarischn eha s'franzesische Fremdwoat fia Hintaseitn, nemli Reveas und a reveasian fia umdrau, mim Auto zum Baischbü.