Villa Las Estrellas
Villa Las Estrellas (spanisch fia „Sternenstod“) is a chilenischs Dorf a da Presidente Eduardo Frei Montalva-Station auf da King George Insl vor da Antarktischn Hoibinsl. S Dorf ligt am vo Chile beaspruchtn Teil vo da Antarktis. Es is de gressane vo zwoa zivile Siedlunga aufm antarktischn Kontinent nema da argentinischn Esperanza-Station. Am Summa wohnand a da Siedlung um de 150 Leid, am Winda um de 80e rumdum, Kinda wohnand do a.
| Villa Las Estrellas | |||
|---|---|---|---|
| |||
| Koordinaten | 62° 12′ S, 58° 58′ W | ||
| Basisdatn | |||
| Stoot | Antarktika | ||
| Region | Región de Magallanes y de la Antártica Chilena | ||
| ISO 3166-2 | AQ | ||
| Provinz | Provinz Antártica Chilena | ||
| Kommune | Antártica | ||
| Häh | 10 m | ||
| Eihwohna | 80 (2010) | ||
| Gründung | 1984 | ||
A da Ortschaft gibts a Grundschui mid zwoa Lehra und eba 15 Schüler, dazua nu a gloane Biacharei und an extrign Kindagoatn. A Bost gibts nochad nu und vo da Chilenischn Luftwaff wiad a Grangahaus bedrim. Da nächste Flughafn is da Teniente R. Marsh Airport.
Villa Las Estrellas is oana vo de momendan am wichtigstn Gebiete fian Tourismus a da Antarktis. De Touristn weand iba Punta Arenas eigflong.
Mid dera Ortschaft mechad Chile sein Aspruch auf sei Gebiet a da Antarktis vadeitlichn.[1]
Klima Werkeln
Am Schnied lingand de Temparaduan bei −2,4 °C und schwankand undam Joa zwischn −6,3 °C am Winda und 1,4 °C am Summa. Da Niadaschlog ligt am Schnied aufs ganz Joa gseng bei 405 mm.
Beleg Werkeln
Im Netz Werkeln
Commons: Villa Las Estrellas – Sammlung vo Buidl, Videos und Audiodateien