Åhnentåfl
An Åhnentåfl isch a Dårstéllung va die Vórfåhrn van an Méntsch. Die Dårstéllung kånn grafisch af verschiedne Årtn vrwirklicht wern (als Tabelle, als Paam). Die Persón, va der man die Vórfahrn aufzeichnt, hoaßt man in dr Fåchspråch Proband. Die Tabelle zoagg a Peischpiel mit drfuntne Namen (jede Éhnlichkeit mit tatsächliche Persónen isch zuafällig).
| Proband | Éltrn | Gróßéltrn | Urgróßéltrn |
|---|---|---|---|
| Erhard Puchmair 1944 |
Dieter Puchmair 1916 - 1990 Våtr |
Carl Puchmair 1878 - 1924 Våtr van Våtr |
Franz Puchmair |
| Maria Köller Frau van Franz | |||
| Katharina Stolz 1887 - 1967 Muatr van Våtr |
Theodor Stolz | ||
| Ursula Dubois Frau van Theodor | |||
| Regina Kranz 1918 - 2001 Muatr |
Karl Kranz 1885 - 1940 Våtr va dr Muatr |
Albert Kranz | |
| Anastasia Sander Frau van Albert | |||
| Berta Müller 1887 - 1972 Muatr va dr Muatr |
Josef Müller | ||
| Barbara Dreyfuß Frau van Josef |
In dr Tåfl isch dr Proband (bzw. die Probandin) gånz links. Man kånn die Tåfl aa um 90° drahnen, só dass dr Proband gånz untn isch.
Di Ånzåhl (n) va die Vórfåhrn in a Generazión isch: n = 2x (x isch die Generazión van Proband wék zéhlt. In dr Generazión va die Ururgróßéltrn (viarte Generazión) isch die Ånzåhl 24; fólglich håt man normalrweis 16 Vórfåhrn in dr viartn Generazión. In dr 7. Generazión sein’s 128 (!) Vórfåhrn. Die Rechnung giltet lei, wénn koane Vórfåhrn zwoa- ódr mehrmål in dr Tåfl drin sein. Ångnummen, die Éltrn van Proband sein zuanåndr Kusinen: in dén Fåll isch oan Urgróßéltrn-Påår tópplt. Dr Proband håt når lei 6 stått 8 Urgróßéltrn (Åhnenvrluscht).