Age of Empires

Der Artikl is im Dialekt Nordboarisch gschriem worn.

Age Of Empires a Computerspüll vo 1997. Brogrammiad is woan vo Microsoft.

Brinzip

Da Spülla mou se in Ofang a Kuldua aussoucha, mid deara weja spülln mächd. Do giz insgesamd zwülfe:

Osdasiaddische: Chosonen, Shang, Yamato
Mesoboddámische: Babylonia, Persa, Hethita
Egibdische: Egibda, Sumeara, Assyria
Griachische: Griachn, Minoa, Fenizia

Normalaweis fangd s'Spüll in da Altschdeinzeid oo. Ma hod a Händ voll Doafbewohna und a Doafzendrum. Ejamol fang ma aa schbeda oo oda mid meara Heisln oda meara Leid.

Schpüllfolaaf

Rohstoffe

Es git fia Rohstoffe: Hoiz, Essn, Stoana und Goid. In Ofang braucht má sched á Holz und äbbs zun Essn. Dasmá des grejgd, mou má mid seine Doáfbewohná in Wold gej und Báámá umhaun bzw. má jogt Fejchá, de wej umánandárännánd odá má zupft Biádln vo Buschád owá odá má fangd se Fisch, wänn á Wossá do is. Schbedá kammá se áá an Bauánhof baun. Stoiná und á Gold grejgt má, wemmás mid'n Pickl obaud.

Zeidaldá

Wemmá bestimmde Voraussezungán eáfülld, nchád kammá in s'naxde Zeidaldá kemmá. Do davo giz viare: Altsteinzeit, Jungsteinzeid, Bronzezeid, Eisnzeid.

Heisln und Leid

Doáfbewohná kinnánd Heisln baun. Wos fiá Heisln dasmá baun kann, kimmd drááf oo, in wechán Zeidaldá dasmá is. In dene Heisln kammá nachád Leid mocha oda irgánd án Zeig erfoáschn und fobessán. Wos fiá Leid dasmá baun kann, hängd davo oo, wosmá fiá á Kultuá hod und in wos fiá án Zeidalddá dasmá is.

Wej má gwinngá kann

Do giz drei Meglichkeidn: Endweda, ma haud án andán zamm, das allse hi is, odá má Baud á Weltwundá und schaud, dass eám da andá 2000 Joar (in echd á fiádlde Stund) ned zammhaud, oda ma schaud, dasmá alle Artefakte (Holzkistn mid Rádln) iwánimmd un 2000 Joar hold. Wemmá á Kampagne mochd, nachad moumá hold des Züll vo deára Kampagne daroichá.

Iwasichd iwa Heisln

De Heisln giz alle:

Heisl	wosmá dou kann/wosmá fiá Leid mocha kann
Doáfzendrum	Doáfbewohná, in da Zeid fiáregej
Hiddn	Wohnarum fiá fiá einheidn
Káseán	Knipplschlägá, Axdkempfa; Kuázschweadkempfá, Breitschweádkempfa, Langschweádkempfa, Legioneá
Droidsilo	Mauán und Türme fobessán
Lagágroum	Fobessárungen fiá d'Leid eáfoáschn
Hafn	Fischerbood, Fischkutta; Handlsbood, Handlsschief; leichds und schwáára Transboádschief; Eákundungsschief, Kriegsschief, Kriegsgáleáre; Kádápuldtrireme, schwáárs Grej-Schief
Bognschuisanlag	Leichdá Bognschitz; Fobessádá Bognschitz, Kombosidbongschitz; Beriddná Bongschitz, schwáárá beriddna Bongschitz; Wognschitz; Öllefandnschitz
Reidschdool	Schpäá; leichde Kávállarie, schwááre Kávállárie, schwáárá banzádá Reiddá; Streitwong; Grej-Öllefand
Moágdblooz	Fobessárungán fiá d'Wiádschafd
Bauánhof	äbbs z'Essn obáun
Wänd	Foteidigung
Tuám (Beobachtungs~, Voteidigungs~, Abweá~, Gschitz~	án andan zammhaun
Akademie	Hoplit, Phalanx, Zenduário
Waffnschmiedn	Stoináweáfá, Katapult, schwáárs Katapult; Ballistn Helepolis
Templ	Priesdá, Fobessárungen fián Priesdá
Roodhaus	Fobessárungán
Wöldwundá	bráuchd me evtl. zun Gwingá