Aggradd
aggradd oda akkurat is a Woat, wo vom lateinischn "accuratus" kimmt. Es hod im Boarischn owa no meara Bedeitunga oognumma ois nua genau und soagfäiti wia im Lateinischn, Deitschn und Englischen (accurate).[1] Des Haptwoat (Substantiv) dazua is Aggradde oda Aggraddess. D Steigarungsstuafa vo aggradd is aggradana.
genau
WerkelnAggradd ko "genau" moana, mid vaschiedanan Nuancn:
soagfäiti, oadentli
Werkeln- Beispui
- D Vroni is hibsch aggrad.
iwagenau, pedantisch
Werkeln- Beispui
- Da Franzl is aggradd afs Dipfal.
hoagli
Werkeln- Beispui
- Mei Bua is ban Essn recht aggradd.
oangsinni
Werkeln- Beispui
- Da Hansi hod an aggraddn Kopf. Dea lossd se iwahapt nix sogn.
ausgrechnad, grod
Werkeln- Beispui
- Agradd etzad bi i krank woarn.
- Dumme di, etz is aggradd scho segse.
grodzua, ganz
Werkeln- Beispui
- Obas aggradd so gsogt hod, woas i neama.
Beleg
Werkeln- ↑ bairische-sprache.at (aus an Artike im "Bayerisches Wörterbuch" vo da "Akademie der Wissenschaften" z Minga). Abgerufen am 28. Oktober 2022.