Oitadum
(Weidagloadt vo Altertum)
Vom Oitadum oda vo da Antike spricht ma in da Gschicht vo da Menschheid vo da Zeid vo de easchtn Hochkuituan bis zum Middloita.
Ma untascheid no zwischen drei Epochn:
- Friagschicht: in da Zeit vo umara 3000 v. Kr. bis 800 v. Kr.
In die Friagschicht foin die easchtn Hochkuituan wia de easchtn Stodstootn am Euphrat und Tigris, s Assyrische Reich, des oida Egyptische Reich sowie die easchtn Wanderungen dea Indoeiropäischn Väika.
- Klassische Antike: vo 800 v. Kr. bis 400 n. Kr.
Mit de griachischn Stodstootn fongt de klassische Antike o. Dazua zejt wead die Grindung und de Expansion vom Remischn Imperium.
- Spaadantike: vo 400 n. Kr. bis 600 n. Kr.
D´Spaadantike is de Zeit, wo des Kristndum in Rom scho Stootsreligion woan is und end mim Untagong vom Westremischn Reich.