Asteroidngiatl

Da Asteroidengiatl, Planetoidngiatl oda Haptgiatel, is de Osammlung vo Asteroidn oda Kloaplanetn zwischen dena Bohna vom Mars und Jupiter. Da Grosstei vo de Asteroidn bzw. Planetoidn vo unsam Sunsystem befindd si in dem Bereich. Do san zua Zeit 400.000 vo soichan Objektn eafosst.

Da Asteroidngiatl

De Gsamtmassn vo oin Asteroidn vom Haptgiatl betrogt nua eppa 5 Prozent vo da Massn vom Eadmond und entspricht da Massn vom gresstn Uranusmond Titania oda am Drittl vom Pluto.

Ondare Asteroidnbereiche

Eppa zehn Prozent vo de bekonntn Asteroidn laffa ned af Bohna zwischn Mars und Jupiter.

• Innahoib vo da Marsboh bewegn si de Amor-Typ-, Apollo-Typ- und Aten-Typ-Asteroidn.
• Af de Bohna vo de Planetn Mars, Jupiter und Neptun laffa Asteroidn, wo ois Trojaner bezeichnet wean.
• Zwischen Jupiter und Neptun gibts Asteroidn, wo Zentauren gnennt wean.
• Jenseits vom Neptun bewegen si Transneptunisches Objekte vom Kuipergiatl (KBO – Kuiper Belt Objects). Es wead vamutet, dass in am Bereich sogor meara Asteroidn gibt wia im Haptgiatl. Afgrund da riesign Enfeanung vo da Eadn und da Kloaheit vo de Objekte, is a Nochweis vui schwieriga. Unta de transneptunischn Objekte finden si owa oanige mit am Duachmessa vo iwa 1000 km und de wo damit gressa san wia de vom Haptgiatl.

A weidana Asteroidngiatl, de Vulcanoiden, wean innahoib vo da Merkurboh vamutet. A Nochweis is zweng da Sunnechn no ned glunga.

Literatua

• Sternenbote: Jahrgang 45/12, Seite 222–234: Die Asteroiden – Dramatik und Schutt im Planetensystem: Gottfried Gerstbach: Artikl af da Seitn vom Autorn obruafbor: https://web.archive.org/web/20061117205203/http://www.g.gerstbach.at/papers/Asteroid1202gg.pdf
• Mario Trieloff, Birger Schmitz, Ekaterina Korochantseva: Kosmische Katastrophe im Erdaltertum. Sterne und Weltraum 46(6), S. 28–35 (2007), ISSN 0039-1263

Im Netz

• Wiener Zeitung; Chr. Pinter: „Der zertrümmerte Planet“
• Minor Planet Center (Englisch)