Bayerischer Defiliermarsch

Da Bayerische Defiliermarsch (Armeemarsch II, 146 (AM II, 246)) isa vom Adolf Scherzer umara 1850 komboniada Militärmarsch.

Wei da Adolf a Inglstädta wa hod da Marsch zeascht Ingolstädter Parademarsch ghoaßn und war am Inglstädta Regiment gwidmet. Am Deitschn Bruadagriag, 1866 und am 70a Griag is da Marsch in Bayern ganz bekannt und beliebt won. Gsogt wiad, dass da Kine Ludwig II. den Marsch seiba zum Bayerischen Avancier- und Defiliermarsch erhom hod.

Unda seim neia Nam Bayerischer Defiliermarsch isara Marknzeichn vo Bayern won und wiad a ois inoffiziele boarische Hymne ogseng. Er is a weid vabroada und bekannta Marsch und kead im in- und Ausland zum Standartrepertoire vo an Haufa Blosmusekabeina. Gspuid wiadara traditionsgemäß zu Auftritte vom boarischn Ministerpresidentn und andane politika und a zu politische Ereignisse.