Boarischa Rundfunk

Landesrundfunkostoit vo da ARD

Da Boarische Rundfunk, amtle: Bayerischer Rundfunk (kuaz BR), is de Landesrundfunkostoit fia Bayern mit Sitz in Minga. Er is a Mitglied vo da ARD und damit a Ostoit vom effntlichn Recht. 'S Boarische Rundfunkgsetz, des 'n Programmafdrog, de Programmgrundsätz und de interne Organisation festlegt, guit seit 1948 und is 1993 erneiat worn. Intendantin is seit 1. Feba 2021 de Katja Wildermuth.

De Fernsehkanäle vom Boarischn Rundfunk san s Boarische Fernseng und ARD-alpha. Außadem betreibt da Boarische Rundfunk aa etliche Heafunkprogramm.

Programm

Der BR produziat alloa oda in Zammaorbat mit andan Rundfunk- bzw. Fernsengostoitn zua Zeit de foigandn Fernseng- und Heafunkprogramm:

Fernseng

Oagne Kanäle:

Bayerisches Fernsehen – s Dritte Fernsehprogramm fia Bayern

Gmoaschoftssenda:

ARTE – deitsch-franzesischa Kuituakanal* ARTE – deitsch-franzesischa Kuituakanal
Das Erste Erstes Deutsches Fernsehen – Gmoaschoftsprogramm vo da ARD
KiKA – Kindakanal vo ARD und ZDF
Phoenix – gmoasama Ereigniskanal vo ARD und ZDF
3sat – Kuituakanal vo ARD, ZDF, ORF und SRG

Heafunk

Bayern 1 – Massenprogramm fia Oldie-Fans min Schwaapunkt af regionale Information
Bayern 2 – Kuituaradio, Voiprogramm
Bayern 3 – Popwelle, Massenprogramm fia eha jingare Leit
BR-KLASSIK – klassische Musi
B5 aktuell – Nochrichtn nonstop
BR Heimat - oiwei Volks-, Blasmusi

Iba DAB (Digital Audio Broadcasting), DVB-S und iba Streaming wean ausgstroit:

Bayern plus – Musi- und Servicewejn fia ejdane Zuigruppm (es wean voa oim deitsche Schloga gspuit)
PULS – Jugendmusiksenda ohne Weabung
Bayern 2+ – entspricht eppa Bayern 2
B5 plus – Ereigniskanal vo B5 aktuell (gibts koane wichtign Eaeignis, lafft do B5 aktuell)
BR Verkehr – Vakeahsinfos

Kritik

Da BR duat nua sea wenig zua Dahoidung vo da Boarischn Sproch. Authentisches Boarisch is kaum present, dagegn a bissal vahochdeitschtes Boarisch.

Im Netz

Commons: Bayerischer Rundfunk – Sammlung vo Buidl, Videos und Audiodateien