Berlevåg

Berlevåg^?/i (samisch: Bearalváhki) is a Kommune in da norwegischn Provinz (Fylke) Finnmark. As administrative Zentrum vo da Kommune bfindd se im gleichnaming Doaf Berlevåg, wos on da Gstod vo da Barentssää liegd.

Woppn	Koartn
	Berlevåg (Norwegen) Berlevåg
Basisdatn
Gmoanummara:	2024 (auf Statistik Norwegen)
Provinz (fylke):	Finnmark
Vawoitungssiez:	Berlevåg
Koordinatn:	70° 44′ N, 28° 59′ O70.73333333333328.983333333333
Fläch:	1.120 km²
Eihwohna:	988 (30. Jun. 2017)
Dichtn:	1 Einwohner je km²
Sproch:	Bokmål
Hoamseitn:	www.berlevag.kommune.no
Politik
Buagamoasta:	Karsten G. Schanche (H) (2011)
Log in da Provinz Finnmark

Woppn

Bschreibung: In Goid und Blau duach Flammenschnitt teid.

Wiatschoft

De Eihwohna lem in da Haptsoch vom Fiischfong und dessn Eazeignissn. Aussadem gibds a Weakstott fia Mechanik.

Vakeah

As Hofnmuseum in Berlevåg

In Berlevåg leng de Hurtigruten-Schiffe easchd seit 1975 o, do easchd seit diesm Datum da Hofn vo großn Tetrapodn gschizd wead. De Tetrapodn hom a Gwicht vo uma 15 Tonna und hoidn aa 10 Meta hohn Wejn stond. Trozdem ko aa heit no ba stoakm Säägong da Hofn vo Berlevåg ned ogfoahn wean.

Bis zua Eaeffnung vom neien aissan Hofn san de Passaschiare unds Frochtguad easchd per Expedizionsboot on Land brochd worn, donn mid om Fischaboot. Vo 1910 bis 1929 is a Fischaboot mid Motoa eihgesezd worn. Ob 1929 is a Spezioiboot mid 43 Bruttoregistatonna in Betrieb gnumma worn. Diese Boote san bis zua Featigstejung vom aissan Hofn im Dezemba 1974 bnuzd worn.

Da Flughofn Berlevåg liegd uma drei Kilometa noadwestli vom Doaf und is vo duat iwa de Stroß Fv271 z'eareichn.

Im Doaf beginnd de Stroß Fv890, de noch ana Streck vo rund 135 Kilometa bei Tana bru in de Eiropastroß 6 eihmindd.

Sengswiadigkeitn

• Kiach vo 1960
• Beag Tanahorn (269 NN) mid samischm Opfaploz

Im Netz

 Commons: Berlevåg – Sammlung vo Buidl, Videos und Audiodateien