Boarischa Woid-Varein

Da Boarische Woid-Varein e.V. (BWV is a Varein fia Kuatua, Hoamat- und Voikstumspflege, Natuaschutz, Landschoftspflege und Wandan im Boarischn Woid. Er hot sein Sitz in Zwiesl, und is in des Vareinsregista vom Amtsgricht Degndorf (VR 10158) eitrong.

Gschicht Werkeln

Grinda vo dem Varein war Anton Niederleuthner (1846-1907), Obaamtsrichta in Bossa. De Vareinsgrindung im Joahr 1883 geht aaf sein Bsprechung mit Forstleit in Bodnmoas zruck. Da Boarische Woid-Varein werd im Rothaus z'Deggndorf am 25. Dezemba 1883 grindt. Da Bodnmoasa Bartholomäus Stölzl is zum erstn Voasitzndn ernennt worn. Am 6. Juni 1885 hot Niederleuthner ois erstn Ortsvaband de Sektion Bossa grindt, am 22. August is er zum erstn Präsidentn gwejt worn und mot Bossa zum Sitz vo dem Varein gmacht. Er hot den Varein 20 Joahr gleit und hot 40 weitare Ortsvabänd grindt. Aaf Niederleuthner geht aa des no heit vawendte Vareinsemblem zruck. Mit Der Bayerwald is aa a Vareinszeitschrift etabliert worn. Ihr Schriftleita in de 1930er Joahr war da Nationoisozialist Eugen Hubrich. Zui vom Varein warn voa ollm de Erschließung vo dem bis dohi wenig bsuchtn Boarischn Woid ois Wanda- und Urlaubsgebiet, de Schoffung vom am dichtn Wandawegenetz sowia de Errichtung vo Schutzheisa. Spada hot ma se aaf dei Pfleg vo de Wandaweg und vo dern Makierung, den Erhoit vo Schutzheisa und Aussichtstirm sowie Maßnahman wie den Schutz vo de Schachtn konzentriet. Bis zua Grindung vom Naturpark Boarischa Woid 1967 und dem Nationoipark Boarischa Woid 1970 war da Boarische Woid-Varein de oanzige greaßare Istitution, wejche de Kultua und Natua vom Boarischn Woid in den Mittlpunkt vo eahnane Aktivitätn gstejt ham.

Gegnwort Werkeln

Da Varein umfasst heit (2016) 60 Sektiona und hot etwa 20.000 Mitglieda. De oanzalna Sektiona bsitzn bedeitande Bauwerke und Schutzhüttn. So san zum Beispui de Burgruine Kollnbuag, und de Buag Neinußbeag, im Bsitz vo da Sektion Viechtach, des Lusnschutzhaus im Bsitz vo da Sektion Grofanau. Wichtige oajährliche Vaanstoitunga san da Bayawoiddog sowie de Kunstausstellung "Zwiesla Buntspecht" in Zwiesl. Aaf da Obabreitenau werd im dortinga noch da Sektion Landshuat bnanntn Landshuata Haus a Jugandbuidungszentrum gschaffa. Am 26. Oktoba 2008 hot da Varein im Festsoi vom oidn Rothaus vo Deggndorf sei 125-jahrigs Jubiläum feiarn kenna. Staatsminista Josef Miller hot de Festred an dem Ort ghoitn, wo am 25. Novemba 1883 da Boarische Woid-Varein grindt worn is. Seit Beginn vom Joahr 2016 is da Varein wieda Mitglied im Deitschn Wandavaband, dem er aa scho friahra bis zu seim Austritt zum 31. Dezemba 2006 ogheart hot. Zwischnzeitle war ersatzweis de aus de Sektionan Dreiburgnland und Ruderting-Neikircha bestehande Intaressngmoischoft Boarischa Woid vo Juni 2008 bis Ende 2013 Mitglied im Deitschn Wandavaband.