Hauptmenü öffnen
Der Artikl is im Dialekt Owaöstareichisch gschrim worn.
Logo vo da Braucommune Freistadt in Fraktuaschreibweis
Brauarei Braucommune in Freistadt
Bia Freistädter Bier
Grindung 1777
Standort Freistadt
Vuastand Rudolf Scharizer
Braumoasta Johannes Leitner
Prokurist Ewald Pöschko
Mitorwata 48 Leid
Produktion ca 95.000 hl
Des neiche Brauhaisl vo 1777

De Braucommune in Freistadt oda Braucommun Freistod is a Biabrauarei in Freistod, Owaöstareich. Se is scho anno 1770 zan easchdn Moi urkundle gnennd woan. De Braucommun Freistod is heit de gräßte Biabrauarei im Mühviadl. Gliefad wiad (2017) bis auf Linz und Wean.[1]

De Braukommun Freistod is in Eiropa a ollalezte Fuam vo ana wiatschoftlin Gmoaschoft. Sooani hods fria in olle Städ vum heilign remischn Reich gem. Se is owa heid de Lezte in Eiropa. Und weis scho 1770 grind woan is und iwahaubnix mid de heidign Gsöschoftsfuaman , wia ana G.m.b.H. (Ges.m.b.H.), oda ana Actiengsöschoft zduan hod, drum mecht i iazt de oanzige eiropeische Commun vustön.

Inhoitsvazeichnis

Zeascht a Wengl wos vurauBearbeiten

Owaöstreich mocht jeds Joa a Laundesausstöllung . 2012 woas oane mit de Bayan. 2013 woas mid zwoa Tschech- und a zwoa Mühviadla Städ. Und oane davo woa Freistod. Se hoast : Alte Spuren , Dávnė Stopy neue Wege , novė Cesty. Owa heid gehts ned um de Schtod, sundan um ia Brauarei und denan eana Bräu. De hod a Bsitzamodö, wos friaa gangig woa, owa wos heid niaganz mea in Eiropa gibd ois wia bei da Braucommun.

De VuagschichtBearbeiten

Wia in olle Städ im Reich hom a de Biaga de inna da Stodmaua a Haisl ghobd hom, seid 1363 eana eigns Bia braun deaffa. Fia d`Famüli und s`Gsind. Owa weus de famuadli zfui Oawad woa homs nochanaund d`Heislleid es biamocha aufgem. Umma 1525 hod ma nua mea in 12 Haisa braut. 1637 nua mea in Fünfe. Und bis zua Middn von 18 Joahundat woans goa nua mea Zwoa. Do owa daun de Qualität vom Bia ned guad gnua woa und ma des ungschmakige Gschlacht schtoak bekritlt hod, wos Zeit das ma se wos eifoin hod lossn missn. Oiso hod ma im Stodrot bschlossn das ma a neiche Brauarei baun mechad.

Wea Olla dabei woaBearbeiten

Offiziö woa des a neiche Gsöschoft, de wos 1770 grind wuan is und es hom Olle 149 Haislbsitza mitdau. Olle de an Hausbsitz innahoib vo de Stodmauan ghobd hom. Owa koane Haisa de da Gmoa oda en Klerus oda an Kloschta ghead hom. Es woa oiso nua a biagaliche Communität. Jeda hod sei Scheafal beitrogn. Des hod se natiali noch Jedn seine finanziön Meglichkeitn und a nochand sein Brauch, a fiad Oawada gricht. Des Afangskapiteu is a domoligs Mass gwen und des hod a guad zan Biabraun past. Des woa domois a Kapiteu vo 6390 Eima. De Auteu vo de Haislbiaga woan ateusmassig vo 15 bis 140 Eima. Und De hengan bis Heid aun Haisl. De Anteu va jedm Haisl san bis Heid in Grundbuach vameakt. Wiad oiso a soa Haisl vaeabt oda vakaft, daun gengan a de Biaauteu mid.

Und HeidBearbeiten

Seid 1770 oiso is de Brauarei Freistod ois Braucommune gweabli eitrong. Heid is eiropaweid de oanzige Commun, do es heid koa so an Rechtsfuam neamma gibt. Se hod se a nua hoid kena weus a Unikum is. D`Finanza homs oas finanziölle Realfuam wia a Eaweabsgsöschoft nochan biagalichtn Recht eideut, de wos ana Commun am Nohast kemat.

Owa es iso scho a gspassige Gschicht : Haislbsitza - Bräumidbsitza - Braucommunist, des is wiakli de amtliche Bzoachnung gwest.

LiteratuaBearbeiten

Rudolf Scharizer: Aus Freistadts vergangenen Tagem (PDF; 1,4 MB), In: Heimatgaue, 3. Jahrgang 1922, 1. Heft, S. 12-20

Im netzBearbeiten

BelegBearbeiten