Breema

Brejma (Tabanidae, hochdeitsch: Bremse) san a Familie aus da Untaordnung vo de Fliang in da Ordnung vo de Zwoafliagla mit umgfaahr 400 Artn und kean zu de bluadsaungande Insekten.

Eanährung

De weiblichen Breima lem hauptsächli vo Bluad, de Mannlan fressn meischdns Nektar. Da Untaschied vo am Breimaschdich zu am Schnacknstich is, dass der vo da Breim recht wea duad, wei dene ihre Mundweakzeig vui greassa san. A Breim ko a durchs Gwand durchstecha und bis zu 0,2 ml Bluad saung.

Sunstigs

De Breima san oa vo de schnöstn Insektn, de wos gibt; de kenna bis zu 70 km/h fliang. S gibt Exemplar, de han bis zu 4 cm lang.

Dea Stich vo de Breima bluat oft no a weng noch, weil de Breima wia olle blaudsaugadn Keabviecha ebbs ins Bluad einespritzn, des d Grinnung aufhebd. Zusätzle schwuit a meistns recht stark oo, weil dea Saugstache is im Vagleich zua na Stanzn recht dick, wos des eidringa vo Bakterien beim Stich und danoch föadan duad. D'Breima guitn ois Üwaträga vo mehrane Kranggheidn de wo do warn: Muizbrand, d'Weilsche Kranggheit, Tularämie und d'Lyme-Borreliose. Dea Riassl vo de Breima is so groß, daßsa sogor gnua vo de HI-Virn midnemma kunnt und somid Krangheitn wia AIDS üwadrong kunnt. Es is alladings no nia a direkta Zsammahang nochgwiesn worn.