Bubendorfer Thomas

Der Artikl is im Dialekt Pongaurisch gschriem worn.

Bubendorfer Thomas Buamdorfer Thomas
Kurzbschreiwung	Extrembergsteiger, Autor
Geburtsdatum	14. Mei 1962
Geburtsort	Soizburg

Da Bubendorfer Thomas oda Buamdorfer Thomas (* 14. Mai 1962 in Soizburg, aufgwoxen in Seiger Hons an Pongau) is a estareichischer Extrembergsteiger und a Autor. Er praktizieascht vuaoim dia Technik vam Free-Solo-Klettern.

1988 is a ba Werweaufnomen schwar vaunklyckt, wo er 20 Meta an fejsing Terrain oogstyrzd is und se mererne Wirwen brochen houd. Er houd se owa rehabilitiern kenner und houd wiader zan Klettern ohgfonger. Ois gontz grosse Leistung sand dia 1991 durchgfiaschte easchte soaefreie Alloahbsteigung vo da Aconcagua-Siadwond an oam Toug, sowia 1986 dia 23-styndige Non-Stop-Alloahbsteigung vam Fitz Roy zan nenner. Eemfois bis heint nied darreicht is seih „Fymbf-Wend-Enchainement“, ba dem a 1988 a dia Dolomiten fymbf reine Fejswend bis zan VII. Schwiarigkeidsgroud an oam Toug kletteascht is (dia Nordwend vo dia Droi Zinnen, dia Siadwond vo da Marmolada („Schwoimschwontz“ mid „Don Quixote“ Ausstiag VI+) und dia Nordwestwond („Via Niagara“ VI+) vam Sass Pordoi). Um dia insgsommt droitausend Hächenmeeter messeaschten senkrechten bis iwahengeaschten Dolomitenwend zan durchsteing, is er mid am Huabschrauber vo oam Gipfe zan naxten Wondfuass transportieascht wourn.

Im Netz

• Literatur von und über Bubendorfer Thomas im Katalog der Deutschen Nationalbibliothek
• Hoamseitn Buamdorfer