Café Herrenhof
| Der Artikl is im Dialekt Weanarisch gschriem worn. |
Des Café Herrenhof woa a Kafäähaus in Wean, des wos 1918 aufgmochd hod. Es is in da Herrngossn 10 gleng, im Easchtn Beziak. In de 1920a Joa woas ana vo de wichtigstn Treffpunkt vo Weana Schriftstölan. 1961 hod des Café zuagmochd.
.jpg)
S Café Griensteidl woas easchte Literatnkafäähaus in Wean. Wia des zuagmocht ghobt hod, san de Literatn ins Café Central iwasiedlt. Nochn Dod vaum Peter Altenberg is des Café Herrenhof s In-Lokeu fia Literatn wuan, vua oim fia de jidischn. Staumgäste woan u. a.: Franz Blei, Hermann Broch, Hugo von Hofmannsthal, Friedrich Eckstein, Otto Gross, Milena Jesenska, Egon Erwin Kisch, Anton Kuh, Robert Musil, Leo Perutz, Otto Pick, Walther Rode, Joseph Roth, Hugo Sperber, Hilde Spiel, Otto Soyka, Friedrich Torberg und Franz Werfel.
Da Friedrich Torberg hod in seim Eazöhbaund Die Tante Jolesch oder der Untergang des Abendlands in Anekdoten de Atmosphea vaum Café vaewigt.
Literatua
Werkeln- Felix Czeike: Historisches Lexikon Wien. Band 1. Verlag Kremayr & Scheriau, Wean 1992, ISBN 978-3-218-00543-2, S. 535.
- Milan Dubrovic: Veruntreute Geschichte. Die Wiener Salons und Literatencafés. Zsolnay, Wean/Hamburg 1985, ISBN 3-552-03705-5.
- Hans Veigl: Wiener Kaffeehausführer. 2. Auflog. Kremayr & Scheriau, Wean 1994, ISBN 978-3-218-00587-6.
Beleg
Werkeln- ↑ Der Architekt. Monatshefte für Bau- und Raumkunst. Band 22.1919. Anton Schroll, Wean 1919, Permalink Österreichischer Bibliothekenverbund, Hauptteu, S. 73. – Text online (ANNO).
- ↑ Innenraumgestaltung: Architekt Stefan Fayans. – Siehe: Stefan Fayans. (…) Werke. In: architektenlexikon.at.
Koordinaten: 48° 12′ 37″ N, 16° 21′ 57″ O