Christoph Ransmayr

Der Artikl is im Dialekt Owaöstareichisch gschriem worn.

Da Ransmayr Christoph (geboan am 20. Meaz 1954 in Wös, Owaestareich) is a estareichischa Schriftschdöla und Litarat.

Sai Lem

Da Ransmoa Grisdof is Roithaum bai Gmundn aufgwogsn, sei Fota woar a Leara. Ea hod fu 1972 bis 1978 in Wean Filosofi und Etnologi schdudiad und hod dano ois Kuituaredakdea und a ois fraia Autor fia faschidane Zeidschriftn goawat, unta aundam fia s Magazin Extrablatt, fia s Geo, fia s Transatlantik und fia n Merian. Fu 1982 weg hod a si ois fraia Schriftschdöla duachgschlong. Noch dem sei Roman "Die letzte Welt" aussa kema is, woar a z waidigst auf da Roas, in Asien, Noad- und Sidamearika und in Ialaund. Noch Ialaund is a a 1994 gauns umi zong und zwoa noch West Cork.

Seine Text han hauptsechlich Prosa, wo a hisdoarische Faktn mid ausdochde Gschichtn fabint. Schreim duad a auf Hochdeitsch, obwoi ma in seine Text schau meakt, das aus Estareich kimd. Bai seine Heabiacha, de a maistns söwa lest, ret a owa do mea Dialekt wia Hochdeitsch. In ana online Rezension iwa s Heabuach "Die Schrecken des Eises und der Finsternis" beschwead si a deitsche Kritikarin driwa:

Der gebürtige Österreicher lässt zudem deutlich spürbar seinen entsprechenden Dialekt mit einfließen. Zwar verringert dies nicht das Gesamtverständnis, zumal der gesamte Text mit unvorstellbarer Ruhe und Langsamkeit vorgetragen wird, dennoch fällt diese Sprachfärbung, zumal wenn der Hörer nicht selbst aus dem österreichischen Raum kommt, insgesamt unangenehm auf. Nicht von uma ist man generell bemüht, Hörbücher in hochdeutscher Sprache statt in Oberösterreichisch, Schwäbisch, Fränkisch und anderen Dialekten einlesen zu lassen. [1]

1997 hod da Christoph Ransmayr d Eaöfnungred bai de Soizbuaga Festschbü ghoidn. Ea hod doatn de exdra fia den Aunlos gschriwane Kuazgschicht "Die dritte Luft oder Eine Bühne am Meer" foaglesn.

Brais

2007 Heinrich-Böll-Brais fu da Schdod Köln
2004 Grosa Estareichischa Schdodsbrais fia Literatua
2004 Bertolt-Brecht-Literatuabrais fu da Schdod Augschbuag
2001 Nestroy-Deatabrais
1998 Friedrich-Hölderlin-Brais fu da Schdod Bad Homburg
1997 Kuituabrais fum Laund Owaestareich
1997 Solothurner Literatuabrais
1996 Prix Aristeion
1995 Franz-Nabl-Brais
1995 Franz-Kafka-Brais
1992 Grosa Literatuabrais fu da Boarischn Akademi fia Schene Kinst
1988 Anton-Wildgans-Brais

Seine Biacha

Strahlender Untergang. Brandstätter, Wien 1982, (mim Willy Puchner zaum) ISBN 3-85447-006-1.
Die Schrecken des Eises und der Finsternis. Brandstätter, Wean, Minga 1984, ISBN 3-85447-043-6.
Die letzte Welt. Greno, Nördlingen 1988, ISBN 3-89190-244-1.
Morbus Kitahara. S. Fischer, Fraunkfuat am Main 1995, ISBN 3-10-062908-6.
Der Weg nach Surabaya, 1997.
Die dritte Luft, oder Eine Bühne am Meer, 1997
Die Unsichtbare. Tirade an drei Stränden, 2001
Der Ungeborene, oder Die Himmelsareale des Anselm Kiefer, 2002
Die Verbeugung des Riesen. Vom Erzählen, 2003
Geständnisse eines Touristen. Ein Verhör, 2004
Der fliegende Berg. S. Fischer, Fraunkfuat am Main 2006, ISBN 978-3-10-062936-4.
Damen & Herren unter Wasser. S. Fischer, Fraunkfuat am Main 2007, (mim Manfred Wakolbinger zaum) ISBN 978-3-10-062937-1.

Im Netz

Literatur von und über Christoph Ransmayr im Katalog der Deutschen Nationalbibliothek
www.br-online.de/kultur-szene/ Artikl zum Brecht-Brais fia n Ransmayr
Linkliste zu Ransmayr bai da Estareichischn Gsöschoft fia Literatua
Online-Rezension iwa sei Heabuach "Die Schrecken des Eises und der Finsternis" (Tanja Elskamp; 09/2007)
Ich habe etwas Wurzelsepphaftes an mir, da Günter Kaindlstorfer ret mim Christoph Ransmayr fia n Falter (Wochnzeidung in Wean), 27. September 2006