Chuck Norris
Da Charlos Ray "Chuck" Norris is a gebiatiga Amerikana (* genau gsogt, am 10. Meaz 1940 in Ryan, Oklahoma), und duart, wia a hierzulound' a famose Äktschnlegende. Bekaunt gwor'n isa insbsundas duach de, vo am zeidl scho, erschienen Füm' wia, Missing in Äktschn und de Serie Walker Texas Ranger.
.jpg)
Insgesaumt is da Norris Chuck wieda hoibads Iare - hoibads Tscheruky, wos auf de jewailige Obstammung saina beidnan Öitan zruckzfian is.
Bäckground
WerkelnIm Laufe vo seim' Lebm wora ned nua in Korea a Soidot, zig-focha Karate Wötmasta (sogoa amoi "fighter of the year" in an gaunz an bsundanen Karate Magazin; Stichwoat: Raundhaustreda) und insbesundas a wohre Äktschn-Füm Ikone, sondan is scheinboa a unerschöpfliche Quön fia so maunche Schmeh-Dandler, Intanet- und Staummtisch- Gschichtldrucka.
Fümografy
Werkeln- 1969: Roikommando (The Wrecking Crew)
- 1972: De Todeskroin drischt wida zua (Meng long guojiang)
- 1974: Da Chef vo San Fraunziskus
- 1981: Da Gigant (An Eye for an Eye)
- 1982: Des stumme Ungeheua (Silent Rage)
- 1983: McQuade, da Woif (Lone Wolf McQuade)
- 1984: Missing in Äktschn
- 1985: Missing in Äktschn 2 - Des Zruckkuma (Missing In Action II: The Beginning)
- 1985: Cusack - da Schweigsaume (Code of Silence)
- 1985: Inväschn U.S.A.
- 1986: Delta Forss (The Delta Force)
- 1986: De Feiawoizn (Firewalker)
- 1988: Missing in Äktschn 3 (Braddock: Missing in Action III)
- 1990: Delta Forss 2 (Delta Force 2: Operation Stranglehold)
- 1993–2001: Walker Texas Ranger (Serie)
- 2000: Dä Präisidents' Män (The President's Man)
- 2004: Voi auf de Niss (Dodgeball: A True Underdog Story)
- 2005: Walker Texas Ranger: Feiatauff (Walker, Texas Ranger: Trial by Fire)
- 2005: Dä Katta (The Cutter)
- 2012: The Expendables 2
Seine Leitsätz'
WerkelnWia de Zeit vageht, hot da Norris Chuck a boa Sätze formuliad, de uns ollesaumt nu zu denkn gem derftn:
- I werd imma und ibaroi des ollameiste aus mia aussa hoin.
- I werd meine oidn Fehla vagessn und mi wichtigam zuawendn.
- I werd öwei auf meine Leid schaun.
- I werd nua des Beste in de Leid segn, des ollabeste.
- Wauni nix gscheids zum vazön hob, hoidi liabas Moi.
- I werd mi fia de aundan Leid und ernare Erfoige gfrein.
- I werd imma sche brav aufgschlossn bleim.
- I werd öwei glei spurn waun de Hechan wos zum mödn hom.
- I werd öwei zum Herrgod, mein Votalaund, meine Leid und meine Spezis steh!
- I werd ma meine Ziele sowieso imma hoch stecka', fia meine Leid, mei Votalaund und mia söm'.
Norris Chuck - Schmähs (Facts)
WerkelnZigtausnd g'spassige Witz san scho vo ibaoi in da Wöt iban Norris Chuck vazapft worn. Se baundeln de Thematik, dass ea voi der unbezwingbore Wundawaschl is. Weis erm söwa a recht daugn, gibts do glei moi a boa, auglist:
"Da Norris Chuck, der hawat kan Honig, ned, - na! Der kaut Bienen."
"Waun da Norris Chuck ins Wossa einihupft; Do wiada ned noss, sondan des Wossa wird Norris Chuck."
"Ma sogt, da Norris Chuck warad eigentlich jo scho Tod - netta da Tod traut si afoch ned erms vazön."
"Da Norris Chuck hot unlängst bis unendlich zöit - zwamoi."
"Waun da Norris Chuck Liegestütz' mocht, daun druckta si ned söba auffi sondan de gaunze Erd' owi."
"Amoi wor da Norris Chuck in ana Messastecharei - des Messa is eigfohrn."
"Do is ka Kinn hintan Norris Chuck sein Boat, do is netta nu a Faust."
"Da Norris Chuck geht ned Jogn, er geht Hamdrahn."