Claudia Koreck

De Koreck Claudia (* 28. Mai 1986 z Traunstoa) is a boarische Sängarin und Liadschreiwarin, wo af Boarisch und Englisch singt. De Claudia is zeascht z Traunstoa afgwoxn, spoda z Huafschlog und nacha is af Minga zong.

Chartplatziarunga (vorlaifig) Erklearung vo de Datn
Singles^[1]

Fliang
	DE	99	21.09.2007	(1 Wo.)

Oibm^[1]

Fliang
	DE	15	31.08.2007	(8 Wo.)
Barfuaß um die Welt
	DE	8	27.02.2009	(8 Wo.)
	AT	51	27.02.2009	(5 Wo.)
Menschsein
	DE	30	20.05.2011	(3 Wo.)
Honu Lani
	DE	55	08.02.2013	(… Wo.)

Lem

Mit zwöf Joar hod de Claudia mitm Musizian ogfanga und mit 16 hods an Preis vum Bundesministerium fia Büidung und Foaschung kriagt. Sie schpüit Klavia und Gitarr. Am Ofang hods aa af englisch und deitsch gsunga, etzad meara af boarisch.

2005 hods am Gsangswettbeweab „Lokal Hero“ vum Blickpunkt Wochenblatt Rosenheim und vum Regionalfernsehen Rosenheim teignumma. 2006 is af da Wiesn z Minga aftredn. 2007 hods da Radiosenda Bayern 3 mit iam Lied „Fliang“ entdeckt und Weabung fia iara gmacht. Am 17. August 2007 is ia easchts Oibum rauskema, wos aa „Fliang“ hoasst. Z Bayern is s sofoat afn easchtn Plotz vu de am moaistn vakafftn Oibm keman, deitschlandweit is s af Ohieb afn 15. Plotz vu de Charts keman. De Claudia is a Mitglied vum Projekt „Menschenskinder“.

De Single „s'Ewige Lem“ vu 2008 is ois Titlliad vum Joseph Vilsmaier saina Naifassung vu da Gschicht vum Brandna Kaschpa heagnumma woan.

Am 13. Feba 2009 tritt s' mit iam Liad „I wui dass du woaßt“ fia Bayern am Stefan Raab saim Bundesvision Song Contest o. Am gleichn Dog kimmt aa ia zwoats Studioibum „Barfuaß um die Welt“ raus.

2011 is s ois Vorgruppm vo de Eagles auftretn (Tournee).^[2] 2011 hods a fian TV-Senda Disney Junior s Liad Lalelu aufgnumma, wo immer zum Sendeschluss gspuit wead.

Momentane Mitglieda vu da Claudia Koreck Band

Claudia Koreck (Gsang, Gita)
Andreas „Andi“ Dombert (Gita)
Andreas „Otto“ Schellinger (Bass)
Manfred „Manni“ Müller (Schlagzaich)
Stefan Weiser (Keyboard)

Diskographie

Singles

2007: Fliang
2007: I mog de Dog
2008: Schuah aus
2008: s'Ewige Lem

Oibm

2007: Fliang
2008: Fliang 2te Auflage
2009: Barfuaß um die Welt
2011: IKONBARFUASSUMDIEWELTFLIAGNUNDDABEIMENSCHSEIN
2013: Honu Lani

DVD

2008: I kon fliang (Live-DVD)

Projekt mit Menschenskinder

2006: Wenn der Mensch (Single mit Menschenskinder)
2007: Wenn Du lachst (EP mit Menschenskinder)
2008: Neue Generation (CD mit Menschenskinder)

Beleg

↑ ^1,0 ^1,1 Chartquellen: CH UK US
↑ Archivierte Kopie. Archiviert vom Original [1] am 25. Juni 2011; abgerufen am 12. Februar 2013.

Im Netz

Commons: Claudia Koreck – Sammlung vo Buidl, Videos und Audiodateien

Claudia-Koreck.de Hoamseitn vu da Claudia Koreck
D'Claudia Koreck und da Bernhard Fleischmann vu Bayern 3 singa „Weus'd a Herz hast wia a Bergwerk“
Willi`s Claudia Koreck Fanseite Fanseitn vu da Claudia Koreck

[charts-1] 1,0 ^1,1 Chartquellen: CH UK US

[2] Archivierte Kopie. Archiviert vom Original [1] am 25. Juni 2011; abgerufen am 12. Februar 2013.

[1]

[2]