Da Huawa, da Meier und I
Da Huawa, da Meier und I han a boarische Musi-Kapejn aus da Owapfoiz und Niedabayern. Grindd worn is de Gruppm anno 2000 vom Huber René (da Huawa), vom Meier Hias (da Meier) und vom Mühlbauer Sigi (I). Wia da Huber René nach kuaza Zeit scho wieda ausgschdieng is, is fia eam da Maier Christian dazuakema. In dea Zammasetzung spuit de Band bis heit.
De Gruppm gheat za de bekanntastn Vatreta vo da kabarettistischn Neien Voiksmusi. Singa deanas af Boarisch. S Spektrum vo da Musi geht vo traditionej mit Ziach und Klampfn iwa Reggae, Blues und jazzign Klang. De boarischn Texte dazua san kritisch und hintasinnig, oba imma witzig.[1]
Textbeispui: Bayernland Werkeln
- ja i kimm
- und er kimmt
- ausm schneena Bayernland
- wo madl so fesch san
- und buama de san guad beinand
...
- aa mia gfoit de gmiatlichkeit
- dahoam is hoid einfach dahoam
- wei wenst nua dahoam bist
- donn konst aa moi fuatfoarn[2]
...
Textbeispui: Fensterstock Hias Werkeln
"Da Huawa, da Meier und I" ham 2010 a moderne Variantn vom Fensterstockhias aussabrocht. A kloana Textauszug davo:
- Znagst hod mia mei Diandl a E-Mail zuagschriem
- Warum i gor nimma im Chatroom drin bin
- Is d Standleitung hin
- Dass i gor nimma kimm?
- Hollariadaidehollaradiho
- Hobs E-Mail aufgmocht, hod mas Herz im Leib glocht
- Und hob mi glei eingloggt, in da stockfinstan Nocht
- Bei da stockfinstan Nocht
- De Tastatur krocht.
- Hollariadaidehollaradiho
und so weida...
Diskografie Werkeln
Oibm Werkeln
- 2006: Bayern und Anderswo
- 2007: Fensterln, Schnupfa, Volksmusik (Sex, Drugs and Rock'n Roll)
- 2010: Vogelfrei (mit ana moderna Variantn vom Fensterstockhias)
- 2012: Tonbandl (fia Aprui 2012 okindigt)
- 2013: d' Würfel san rund
Oanzl Werkeln
- 2005: Ohne Hosn, Ohne Schua (Maxi Single)
Doku DVD Fuim Werkeln
- 2009: ... Da Huawa da Meier und I (DVD Fuim)
Auszeichnunga Werkeln
- 2005: Kloans ScharfrichterBeil auf de Passauer Kabaretttage
- 2006: Zwoata Plotz ban Internazjonaln Thurn-und-Taxis-Kleinkunstfestival in Rengschbuag