Dampflok

A Dampflok is a Lok, de mid Wossadampf odrim werd. Dampfloks san de easchtn maschinäi odrimna Fuahweake gwen, de af an Gleis fon. Se hom den Schienavakeah vo Ofang o, bis in'd Middn vom 20. Joarhundad ogfiahd kod. Da nazionoie und intanazionoie Handl hod se no mid'm Schienavakeah narrisch gschdeigad kod.

Oawadsweis vo da Dampflok

A Vuizoih vo Dampfloks mid untaschiadlicha Bauweis san dabaud worn, owa nochfoingnd werd grod de eiropäische Reglbauoat mid'm klassischn Roahkessl und mid da Koimdampfmaschinin bschriem.

Afbau vo ana Dampflokomotive
Baugruppm vo da Schlepptendalok mid da Axnfoing 1'C1'
01 – Schlepptenda mid Wossa - und Koinstock 02 – Fiarastand 03 – Dampfpfeifal 04 – Steiastang 05 – Kesslsicherheitsventil 06 – Liachtmaschina 07 – Sandkostn mid Sandfoiroa 08 – Reglazug 09 – Dampfdom 10 – Lufdbumbm fiad Drucklufdbrems 11 – Rauchkammal 12 – Eistremroa 13 – Rauchkammaldia 14 – Handlaaf 15 – Schleppraalsatz 16 – Umlaaf 17 – da Rama fo da Lok 18 – Bremshängeisn 19 – Sandfoiroa 20 – Kupplstanga 21 – aissare Steiarung 22 – Bleil 23 – Koimstanga 24 – Dampfzülinda	25 – Schiawa (fo da innan Steiarung) 26 – Schiawakostn 27 – Feiabix 28 – Hoaz - und Rauchroa 29 – Langkessl 30 – Iwahitzelement 31 – Naßdampfventilregla 32 – Dampfsammekostn 33 – Essn 34 – Spitznsignoi 35 – Bremsschlauch 36 – Wossakostn 37 – Koinkostn 38 – Feiarost 39 – Oschnkostn 40 – Raalsatzlaga 41 – Ausgleichshebe 42 – Feda 43 – Dreib- und Kupplraalsätz 44 – Druckstück 45 – Standroa und Blosroakobf 46 – Laafraalsatz 47 – Kupplung

A Dampflok bschdäd moast ausam Dampfkessl, wou se da Dampf mid da Huif fom Feia buid, da Koimdampfmaschina, wou da hoasse Dampf des Weagl odreibt, an Foogschdai und Raalsätz, damid se des Viech beweng ko und am Fiarastand, damid se des Dampfross a wida moi dabremsn losst. Fia des dasd weida fuat fon kost, hod a Dampflok a Wossa und Koin owei dabei. Entwäda af da Lok säim, no iss a Tendalok oda afan nogfiadn Wong, aran Tenda. No sogt ma hoid Schlepptendalok dazua.

Diaggad am Rama fo da Lok is da Dampfkessl mid da Feiabixn, da Dampfmaschina und da Fiarastand dabaud. Drong wiad da Rama fom Dreibraalsatz, de Kupplraalsätz, de iwa Kupplstanga vabundn san und ofd no fo oi laa laafadn Laafraalsätz. D Koimdampfmaschina hod ofd zwe Zülinda, ko owara drei oda fia hom, de ofd aussahoi, owara innahoi am Rama drobaud san. Mid de Dreibstanga wiad da Schwung fo de Koimstanga af de Kuabezabfn fo de Raalsätz iwadrong und no fod de Gschicht.

Haubdsechle dabrennt a Dampflok Koin oda Schwaäi. Owara Hoiz, Koinschdaub, Minaroiäi oda Torf is megle. Owa ned ois afamoi und ned in da säim Lok. A Lok wo mid Schwaäi fod, ko ned mid Koin fon. Und umkead aned. Do brauchds scho späziäe Eibautn.

Im Netz

 Commons: Dampflok – Oibum mit Buidl, Videos und Audiodateien

• Suach noch Dampflok in da Deutschen Digitalen Bibliothek
• Aufbau und Technik der Dampflokomotive – Deutsche Gesellschaft für Eisenbahngeschichte