Daunzmusi

Daunzmusi (dt.Tanzmusik) sogt ma zu aana Musi, zu dea wos ma daunzn kau, oda de wos iwahaupt glei fia an speziöön Daunz komponiat (oda arranschiat) wuan is. Oba wos ma gaunz genau ois Danzmusi siacht, hängt vo sozial, kuituarölle und aa gaunz peasenliche Faktoan oo.

Wos ma fiara Auntwuat kriagt, waunn ma frogt, wosn a Daunzmusi is, hängt vo zeitgschichtlichn und aa politischn Entwicklungan oo. Kummt efta vua, doss a modeane Daunzmusi si so ähnlich auhuacht und aa daunzt wiad wia de trance-oatign Rhythmen vo „primitivn“ Kuituan. Maunchmoi meakst, doss aa Vamischung zwischn da uaspringlichn Voiksmusi und da aktuöön Daunzmusi gibt, wie z. B. Bhangra, oda afrikanisch-stämmiga Musi. Daunn red maraa vo aana Wöötmusi.

Heitzdog vasteht ma unta Daunzmusi meist aan Gsööschoftsdaunz, der si auftäut in Standaaddänz und Lateinamerikansche Dänz, zsaummt de Musirichtungan, de wos dazuagheatn, wiaraa Rock ’n’ Roll, Boogie-Woogie und Discofox. Nua, de meistn modeanan Musirichtungan, wia Hip Hop oda Techno und House, bezeichned ma ned ois Daunzmusi, obwois zu da Definiziaun bassn dadn. Auf da aundan Seitn gibz seitn frihan 20. Joahundat imma wieda Partytänz, de modemäßig a Zeidl populea san, owa daunn wieda vagessn wean.

Fia an Daunzspuatla gibz a boa Meakmoi, aun de si a Daunzkapöön hoitn soit:

• Es soit sauba gspüüt wean, ohne iagndwööche Extrawiaschtln.
• Des Tempo soitat aa bassn, gmessn wiad des in BPM.
• Da speziölle Rhythmus fiaran Daunz soitat aa fia an weniga obrodanan Dänza zum Aussehean sei.

Schau aa

• Tanz

Im Netz

 Portal:Tanz – A iwasicht zu Wikipedia-Inhoiten zum Thema Tanz