Dischkrian:Östareicha (Voik)

Deitschöstareicha

Dé Ändarung vom 84.112.157.52 wieda retour gnumma weils um dé korrekte wissnschåftliche Bezeichnung vô dé deitschspråching Östareicha geht.

1. Ma kã néd à Voiksgrubbm vô Östareich åis "språchig" tituliarn und dé ãndan åis "ethnisch".

zum Beispüi: "deitschspråchige Östareicha" und "Kärntna Slowénen"

korrekta Weis miassat dånn im Àrtikl à "slowénischspråchige Östareicha" steh!

1. Es gibt mehrare Nazjonsformuliarungen dé Östareicha betreffm:

Stååtsnazjon: ålle östareichischn Voiksgrubbm san lt. dem her Östareicha weils dé östareichische Stååtsbürgaschåft håbm.

Kulturnazjon: Von dem Begriff her gibts a greßare "deitsche Kulturnazjon" und foige dessn san dé "deitschspråching Östareicha" von dem Begriff her åis "Deitsche" z' tituliarn genauso wia dé Deitsch-Schweiza...

Språchnazjon: is 's gleiche wia dé Kulturnazjon

Wüinsnazjon: Då schliassn sé "willntlich" mehrare Voiksgrubbm zu àna Nazjon zåmm und vüihln sé vabundn und åis dés söiwe. Bests Beispüi is då dé Schweiz. Östareich ghert à dazua, weil sé dé Östareicha willntlich für Östareich undm Stååt Östareich entschiedn håbm und den néd in Fråg stöin...

À wãnn sé da greßte Teil vô dé Deitschöstareicha nimma åis Deitsche fühlt - samma in dé obm gnånntn Definizjonen no imma im ethnischn, kulturelln und språchlichn Sinn "Deitsche". --Mucalexx 11:15, 22. Sep. 2007 (CEST)

Zweng wos háßts dãn eigantlich: "Ob ma Östareich ois Wüinsnation bezeichnen kã, is umstritten" Sicha net bei de Östareicha sööwa! ;-) - Mit de språchlich-wissnschåftlichn Gschichtn mågst scho woăr hãm, owa is Sööbstvastendnis is hoid - wenigst nochn Kriăg - do a wengl a ãndaschts! (áá bei miă - áá wãns net in a wissnschåftliche Kategorie einebasst) - Und ká Ãngst, i schimpf di sicha net so wiă Deine "Freind" auf diveăse ãndare WP- Seitn, weûl i wás, dassd a klassa Buăsch bist --Zwentibold 21:20, 24. Okt. 2007 (CEST)

Jå dés is klår! Dés is bei mir néd åndas wia bei dir :-) und sicha üwa 90 % vô ålle Östareicha fühln sé néd åis Deitsche!!! Es geht åwa um dé Voiksgrubbm... z. Bsp. a Kärntna Slowéne is mid am Deitschkärntna untawegs und z. Bsp. a Italiena frågt dé zwà um dé Nazjonàlität... Beide werns sicha Östareicha åntwortn... Bei da Fråg nåch da Voiksgrubbm wird da Kärntna-Slowéne sicha mid söibstvaständlichkeit "Slowéne" åntwortn und da Deitschkärntna wird sicha nervös wern und sång dass a deitschspråchig is... wånna néd sogår åntwortet "I bin richtiga Östareicha".

Dés find i einfåch in àna Enzyklopädie fåisch wånn ma dés untastützn! Auf da åndan Seitn is dés für dé néd deitschspråching Östareicha ziemlich diskriminiarnd, weil dés à "richtige Östareicha" san und auf da åndan Seitn is wissnschåftlich néd korrekt! À wånns a persönlchs Gfüih valétzt.

Mei gånz persönliche Ånsicht wàrad wånn ma einfåch "boarische Voiksgrubbm" sågt.

Weitas find i is da Begriff "Deitschöstareicha" korrekt. Da Begriff definiart uns néd åis "Deitsche" sondan a germanischs Voik, des dé deitsche Språch redt, dé Wurzln im Deitschn Voik håd, jetzt åwa a separate Entwigglung håd. Mucalexx 21:07, 25. Okt. 2007 (CEST)

Viălleicht schåff ma in Spågåt, wãmmar an eiganan Åbschnitt "Is Sööbstvastendnis vo de (Deitsch)Östarreicha" ãlegat, wo a kuăze Åbhãndlung iwa de Entwicklung vom Östareich-Bewußtsein vo da Monarchie bis heid drinnat is, wos mar áá mit Meinungsumfrågn und Statistiken belegn kã. Gãnz wichtig is miă des:

1) ma deăf de wissnschåftlich-ethnischn Defenitionan vo "Nation" auf goă kán Foi mitn Sööbstvastendis vo de Östareicha sööwa vamischn - des háßt: ollas, wiăs jetzan do steht, soi áá so stehbleibm.

2)Owa: es gheărat unbedingt a separata Åbschnitt mit da Entwicklung vo unsam Sööbstvastendnis und Patriotismus separat dazuă - des kãmma, wiă gsogt, belegn. Und áá negative Aspekte soin do ruhig dabei sein (Stichwort: "Opferlüge", odar áá de Såch mit de Voiksgrubbm, wosd gmánt host). Des kãmma ois neitral schreibm. Link dazuă: [1]

Wãmma de zwá Aspekte (Wissnschåftlich Nation - Sööbstvastendnis) nebmanãnd einestööd, und neiral diskutiăt, siech i do ká Problem zweng da wissnschåftlichkeit. Dãn miăssatn olle zfriedn sein - Språchwissnschåftla und Östareichische Patriotn. Und es gibt áá káne Ausbessarein meăh, hoff i zumindast ;-)

Und i sööwa moch jetz mein jährlichn patriotischn Umtrunk: rot- weiß- rosé! --Zwentibold 13:29, 26. Okt. 2007 (CEST)

Dén Àrtikl håb i ma schô vur längara Zeid durchglesn und find dén sehr sehr guad! I håb ma schô vur Ewigkeitn vurgnumma dés zåmmzfåssn und in dén Àrtikl eîzbaun. Leida wird dés no a Zeidl dauan...

No dånn såg i nur PROST :-) Mucalexx 15:03, 26. Okt. 2007 (CEST)

Kårtn Östar. Voiksgrubbm

's Vabreitungsgebiet vô dé Östareicha

I wààs néd, åwa nua weil dé daitsche Wiki schô wieda amåi a grooses Problem mid da Eîteilung in Voiksgrubbm håd und liawa åis in Språchgrubbm eîteilt, miass ma jå dés néd bei uns in da Boarischn Wiki midtrång. I wüi dass dés bei uns erst diskutiart wird ob dés Büidl wegga kummt oda bleibt. Danke Mucalexx 22:38, 18. Okt. 2008 (CEST)

I wüad's drin låssn und zwåa des und ned des mid "Österreichisches Deutsch", weu des redt jå kana. → «« Man77 »» 16:42, 19. Okt. 2008 (CEST)

Serwas El bes, wail i schô gseng håb, das du bai da daitschn Wiki schô gräftig middiskutiart håsd bzgl. dera Voiksgrubbmkårtn, wüi i dés bai uns à nuamåi diskutiart håm, ob jez dé ãndane Wersion vô dera Kårtn kummd oda néd. Dé Kårtn is auf dé naie Wersion vô da daitschn Wiki austauscht worn. I find åwa, das mir dés gsondat in unsana Wiki diskutiarn soidn ob dé oda dé ãndane Kårtn blaibt. Kunnsd di du då villaicht nuamåi aîklinkn bai dém Dischkurs? Dãnksche Mucalexx 14:01, 19. Okt. 2008 (CEST)

I find es soid bai uns de åide Koatn blaim, wo ma siagt wo de boarisch-rédadn Laid dahõam san und wo de Alemanen. --El bes 17:39, 19. Okt. 2008 (CEST)

Find I guad, das da's wida zruk dã håst. Wai auf dé éwign bledn Schdraidarain auf da hochdaidschn Wikipedia soid ma ealigsågt bfaifn. Soin si dé doat ausschbina, dé oiwai soicha Dischgriararai ãfãngan. --El bes 01:43, 20. Okt. 2008 (CEST)

Jå bin i à stårk dafia, wails jo à nur um d' Voiksgrubbm in dera Kårtn geet und néd um Språchgrubbm dé so wias auf da daitschn san eh néd håitbår san!Mucalexx 08:05, 20. Okt. 2008 (CEST)

I find in Mucalexx sei Voiksgrubbm-Koatn aa gscheida, und nembei aa neitrala. --Zwentibold 09:32, 20. Okt. 2008 (CEST)

Mia geets ee néd um dés, das dés mai Kårtn is, sondan um dés, das dés a Kårtn is dé dé Siedlungsgebiete vô dé Voiksgrubbm ilustriart. Dé ãndare dawéggt an Ãnschain, dass sa sé bai östar. Hochdaitsch um a aigane Språch hãndlt und dés is a Quatsch! No schlimma find i dãnn dé söiwe Kårtn in z. Bsp. da englischn Wiki! Schô gseeng? Då wern d' Daitschöstareicha üwahaupt åis Östareicha im etnischn Sinn tituliart und dé Voiksgrubbm aus da Nazion Östareich ausgschlossn!Mucalexx 12:31, 20. Okt. 2008 (CEST)

Übrigens is mai Diskussionsbeitråg in da daitschn Wiki glöscht worn inkl. am Beitråg vô am IPla weng ãnschainend Daitschnazionalismus?!?Mucalexx 12:39, 20. Okt. 2008 (CEST)

Des Gsatzl is pfalgrod glescht worn. I ho's zwor widerhergstöllt ghått, ower da Lescher hout's wider wegghaut. I ho deratweng schou an Dischkurs mit eam af mainer Benutzersaitn. -- Sinnierer 20:27, 20. Okt. 2008 (CEST)

Vaschiam

Östareicha --MisterGugaruz (dischkrian) 15:20, 25. Jul. 2013 (CEST)

Seavas

Nix fia unguad.

Dei Atüki is ned schlecht. Owa des mid de Nidaöstreicha is da awengl danem gaunga. I wos des , den meine Schwigaötan san in Zwettl im Woidviatl geboan.

Les das nuamoi duach:

Dé Naiöstareicha san jéne Stååtsbürga vô da Repubblik Östareich dé an Migrazionshintagrund håbm und bereits in da zwàtn oda drittn Genarazion in Östareich lebm. ""'Dé greßtn Grubbm woan amoi dé östareichischn Türkn und dé östareichischn Ex-Jugoslawn. Naichadings kumman dé meistn Zuagrasdn aus Daitschland[6] und stöin seitn easchtn Jenna 2008 a dé greßte Grubbm ån Naiöstareicha.[7]"

Nix fia unguad, owa des heiidge Nidaöstareich woa unta de Babnberga des Keanlandl vo Östareich.

I hob koa Auhnungn wos du in dem Osotz gmoand host.

Ois si des Landl. Moaktgrofschoft, Heazogtum ausbüt hod, do hods nu koane Immigrantn gem. Weda aus Balkan oda aus da Tiakei. I bitt Di endat des a Wengl. Weu so passt ned.

Obwois mia ois Owaöstareich A wengl Weht duat . Owa de easchtn Östareicha ( Fiaschtn- Heazogtum) woan de spadan Nidaöstareicha.

Und nix fia Unguad, kuazfristi woa amoi Sozbuag a TeU vo Owaöstareich.

An schen Obnd nu vom Ludwig (Luki).

--Luki 21:34, 23. Sep. 2013 (CEST)

Hallo Luki, in dem Abschnitt geht es um Naiöstareicha (= Neu-Österreicher), nicht um Niederösterreicher. --Holder (dischkrian) 22:43, 23. Sep. 2013 (CEST)

Servas an Holder und an aun olle Aundan.

Dud ma load, do muass i mi entschudign. Do hob imi leida vaschaut. Ia hobds Recht und i hob mi valesn. Das des jo de Neibiaga augeht und ned de Nidaöstareicha passts natiali. Entschudigts bitschee . Zukünfti wed i bissl bessa afpassn und gnaua lesn. Dud ma wiakli load.

Luki --Luki 00:38, 24. Sep. 2013 (CEST)

Kein Problem. Ich finde es sehr gut, dass Du auch Artikel von anderen liest und kritisch darauf schaust, ob die Inhalte stimmen. Dass man sich dann auch mal verliest, kann jedem passieren. Nur weiter so! --Holder (dischkrian) 06:18, 24. Sep. 2013 (CEST)

Externe Links gendad

Griass enk Autorn,

I ho 1 externe Links af Östareicha (Voik) gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

• Hiiweis {{Toter Link}} zun http://www.integrationsfonds.at/de/zahlen_und_fakten/statistisches_jahrbuch_2011/zu_und_abwanderung/zuwanderung_strukturen_und_trends/ dazuagem
• As Archiv https://web.archive.org/web/20070928071649/http://www.demokratiezentrum.org/media/pdf/volksgruppenreport.pdf zan http://www.demokratiezentrum.org/media/pdf/volksgruppenreport.pdf dazuagschriem

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 22:22, 26. Okt. 2017 (CEST)

Externe Links gendad

Griass enk Autorn,

I ho 2 externe Links af Östareicha (Voik) gendat. Nehmts enk a weng Zeid und priafts mein Edit. Waans a Frog hobts, oda wann da Bot de Links, oda de Seitn ignorian soi, schaugts af da FaQ-Seitn noch, wo mehr Infos stenga. I ho de foigade Endarung gmocht:

• As Archiv https://web.archive.org/web/20090418053641/http://www.svpartei.org/de/politik/grundsatzprogramm/5.html zan http://www.svpartei.org/de/politik/grundsatzprogramm/5.html dazuagschriem
• As Archiv https://web.archive.org/web/20111114102904/http://www.svpartei.org/smartedit/documents/download/svp-wahlprogramm-ltw2008-zis.pdf zan http://www.svpartei.org/smartedit/documents/download/svp-wahlprogramm-ltw2008-zis.pdf dazuagschriem

Wanns mit da Iwapriafung fiati seits, kunnts da Oweisung af da Voalog foign und as Problem mit da URL korrigian.

Pfiad enk.—InternetArchiveBot (Fehler Melden) 04:28, 23. Apr. 2018 (CEST)