Dischkrian:Fuaßboi-Eiropamoastaschaft 2008

Dischkuas

Wenns de Deitschn am Montåg dabreslt, dann muaß a andana weidamacha mit dem Artikl. ;0) --Lou.gruber 13:57, 14. Jun. 2008 (CEST)

Des haaßt, waun i freiwüllig weidaschreib, valiats es daun a freiwüllig aum Mondog ? :-D--Zwentibold 15:52, 14. Jun. 2008 (CEST)

Oiso Zwentibold, i woaß net, ob des huift. Mia daad "Cordoba II" scho in a solide Depression stürzn! Aba schau ma moi, es muaß ja net so kemma !!! --Lou.gruber 18:57, 14. Jun. 2008 (CEST)

Åwa voa drei Wochn hätt ka Mensch glaubt, dass de Deitschn söiwa a meglichs "zweits Córdoba" ãsprechan. ;) --i bin da Man77 und do kaunst mit mia redn 12:54, 15. Jun. 2008 (CEST)

I woaß net, ob du de erschte Hoibzeit vom Vorbereitungsspui Östareich-Deitschland gseng håst, da is' unsare deitschn Heldn aa net so guat ganga. Am End war`s glaab i a 3 : 0 fia de unsan, aba davor .... --Lou.gruber 19:00, 15. Jun. 2008 (CEST)

I hoff amoi, daß dea Fuaßboi unsam ländaübergreifndm Projekt ned schodt ;-) I warad ja fast dafia, daß de Estareicha gwinna, wei bei mir dahoam gibt's kaum Estareicha, dann häd i wenigstns mei Ruah voa dea blädn Hupperei. Wenn de Deitschn gwinna, dann werd de ganze Nacht ghuppt und mei kloa Dochter ko ned schlafn, und i dann a ned. Wos scho de Italiener fia an Krach gmacht ham fia ia bissal Unentschieden, des hod ma scho glangt. --Florian Schott 09:35, 16. Jun. 2008 (CEST)

Wia hoaßt ma des so sche, des war a Arbatssieg .... --Lou.gruber 23:15, 16. Jun. 2008 (CEST)

Tuad ma load, Florian, den Gfåin hätt ma da gean gmåcht. Åwa s'letzte Måi so vüi Deitsche in Wien gem håd's wia Wien söiwa nu deitsch wåa, des wåa ma heid schãu fåst unheimli.--i bin da Man77 und do kaunst mit mia redn 23:51, 16. Jun. 2008 (CEST)

Gaunz wos aundasts: Mia is grod aufgfoin, das de Vualog vo de Niedalande net hiihaut. Wo legt ma dn so a Ländavualog au?--Zwentibold 18:24, 15. Jun. 2008 (CEST)

Da håt nur da Link auf de Niedalånde gfeit. --Lou.gruber 18:56, 15. Jun. 2008 (CEST)

I hoff, Lou, du host net jetzn so an Frust, dassd goa nix meah duan mechachst. Siechs a so: mia Östareicha waratn froh, waumma iwahaupt bein Fuaßboi in an Finale valian deafatn ;-)--Zwentibold 09:18, 30. Jun. 2008 (CEST)

Naja, mia ham ja im Endspui net wirklich a Chance ghabt. Des muaß ma akzeptiern! --Lou.gruber 19:32, 30. Jun. 2008 (CEST)