Dorsale del Triangolo Lariano
Da Dorsale del Triangolo Lariano, deitsch etwa: „Comer-See-Höhenwanderweg“, is a Wondaweg aufm Hechnrickn zwischn am Comer See undm Lago di Lecco. On zoireichn Stejn hod ma Ausblicke auf de Seen oda auf de umgemdn Oipngipfe. De Gehzeid betrogt uma zwischn 8.5 und 10 Stundn. Im Prinzip foigt da Weg am Beagrickn, olladings wern de Gipfe jeweis umgonga, um Hechnmeta eihzuspoan. Es bstehn jeweis Oitanativstreckn iwa de Gipfe, woduach se jedoch de Gehzeid valängat.
De wichtigstn Stationa san:
- Brunate, do Station vo da Beagboh vo Como
- Bei da Kiach San Maurizio owahoib vo Brunate (874 m) is da offizieje Beginn
- Monte Boletto
- Monte Bolettone
- Pizzo dell’Asino
- Monte Palanzone
- Posshech am Monte Ponciv, mid uma 1420 m da hechste Punkt vo da Streckn
- De Kiach Sant' Andrea sidli vo Bellagio buidt ds offizieje End vom Weg (210 m)
- Des Zentrum vo Bellagio eareicht ma noch oana weitan hoibn Stund
Da Weg is auf Wegweisa oda Markierunga ois „Dorsale“ oda ois Numma „1“ kennzeichnt.
Am Weg bfindn se a Reih vo Hittn, auf dena ma essn und teis aa iwanochtn ko. Wenn ma de Tour auf zwoa Dog aufteit und onnähand auf hoiba Streck iwanochtn wui, bietn se voa oim des Rifugio Riella (auf da Hech vom Monte Palanzone) und des Rifugio Alpetto di Torno (knopp 1 km obseits vom Weg, kuaz voa da Posshech am Monte Ponciv) o.
Im Joar 2013 is de Strecknfiahrung zwischn am Monte Ponciv und Bellagio vaändat worn, so doss da Weg jetzt seah weitgehnd duach Woid und nua no wenig entlong vo Stroßn valafft.
Im Netz
Werkeln
Commons: Dorsale del Triangolo Lariano – Sammlung vo Buidl, Videos und Audiodateien- Karte u. Kurzbeschreibung, it. (Seite nicht mehr abrufbar; Suche in Webarchiven) (PDF-Datei; 272 kB)
- Karte