Eabam
Der Eabam (Siidtiroler Dialekt; hoachtaitsch Efeu) isch a Pflånz, wås af die Pam, af die Mauern unt af die Knotn aufi kråbblt, zun Toal iber 10 Meter hoach, aa in Wålt afn Pódn manånt. Er pliaht ersch in Hérbst; in Winter pleip er grean. Die Pluah entwicklen sich zu schwårze Kugelen. Der Eabam isch a scheane Ziarpflanz; pa die åltn Griachn unt Rémer håt er kultische Pedeitung ghåp. Er wåchst mehr oder weaniger in gånz Europa.
Die Pezeichnung geaht zrugg af ålthoachtaitsch ebah / ebahboum. Heitzutåg hoaßt man en meistns Efai.