Easchte Kuituan

Der Artikl is im Dialekt Owaöstareichisch gschriem worn.

Za de Easchte Kuituan (dt.: Erste Kulturen), zön de, de wos zwoa scho in Deafa glebt und megligawoas scho Logogramm vawent, owa nu koa Schrift ghobd hom. Se kenan a scho an Ockabau btrim hom. Woan owa haubtsechli nu Jaga und Saummla. Eanane Religion woa scho recht komplex. Se hom scho Priasta ghobd. Ob de nu Schamaismus praktiziat hom, des woas ma ned.

Stele aus Göbekli Tepe

Stele aus Göbekli Tepe

A Figua aus Lepinski Vir

De Kuituan

In de leztn Joazehnt hods a boa Ausgrowungan gem, de wos insa Vuaschtöllung vo de ödastn Kuituan iwan Haufn gschmissn hom.

De Sesshoftweadung vo de Menschn hod nemli scho weid fria agfaungt ois wia ma glabt hom; nemli mid Göbekli Tepe scho vua 11- bis 12000 Joa. Des woan owa nu Saummla und Jaga und de hom scho gigantische Tempöaulogn und machtige Stelen afgstöd. In dera Alog hod ma Feiastoakling gfundn, de wos vo oan Fundplötz staumt, dea 500 km weid weg is. Entweda homs scho so weid ghaundlt oda es woa a Woifoahtsoat und a Glaiwiga hods midbrocht.

A boa Joatausnd jinga san de Fundstön vo Körtik Tepe und Nevali Çori. De lign olle im fruchtboan Hoibmond.

Owa aa in Eiropa ligd a iwa 7000 Joa oide Fundstö. Des is a Donaukuitua und is nochn easchtn Fundoat Lepenski Vir bnennt.

Kuituatransfea

Zypan und Kreta san scho voa uma 11000 Joa bsidld wuan, vamuatli vo da ostanatolischn Kistn aus. Und af Zypan hod ma 8300 Joa oide Woaznkeandln gfundn, de vo Wüdwoaznsoatn ostauman, de wos in Ostanatolien hoamisch woan. Oiso is nua logisch, das ma aneman kau, das es scho Seefoara in da Oidstoazeit Paläolithikum gem hod miassn, den so weid schwimma mit de Keandln und daun aussaan des warad ned megli gwen.

Wos zoachnts aus

Ob aus religiöse Gründ oda afn Druck vo Klimaendarungan haum se Famülin za Sippn zaumgschlossa und hom fia eanan Vabaund oan Fixpunkt ghobd. Draus san de easchtn Siedlungan endschtaundn. De san za kloane Deafal gwoxn und de haum se wida za de easchtn Schtäd vaeinigt. De hom Oawadsteulung und in da Schtod a scho große religiöse und zivüle Bauweak hom kena. Und sogoa vo oana Schtodmaua umgem gwest sei, wia in Tel Brak in Nuadsyrien. Vo dea ma aunimmd daß scho umma 6500 Joa oid und so de ödaste Heid bkaunnte Schtod wa. Iwa 1000 Joah öda ois de bkaunnte sumerische Schtod Uruk.

Schau aa

• Göbekli Tepe

• Portal:Gschicht

Litaradua

• Martin Kruckenburg: Wer sprach das erste Wort, die Entsehung von Sprache und Schrift. 2. Aflog, Theiss Verlag, Stuttgart 2004. ISBN 978-3-8062-2330-9
• Henry.F.Saggs: Völker im Lande Babylon. Theiss Verlag. ISBN 3-8062-1864-1

Im Netz

• https://web.archive.org/web/20210620050447/https://www.focus.de/wissen/natur/archaeologie-tempel-der-sesshaften_aid_149059.html
• http://oppermann.twoday.net/stories/archaeologie-sensation-koertik-tepe-der-sozialanthropologische-paradig/
• http://www.youtube.com/watch?v=gW-0by_hZYI (Iwa de Ausbroatung da Menschn bis ca. de eaaschtn Hochkuituan)

YouTube

• http://www.youtube.com/watch?v=F8KIc6sm5vw&list=TLQ_8s74QGaOU (Fundschtö mid Fund iwa oa müllion Joa in Syrien)