Ecocho

Ecocho is a Intanetsuachmaschin, vo Australischn Leit aus Sydney werads betriem. Des Bsondere is, dass de füa jede 1000ste Suachanfrag de wo gmacht werat bis zu zwoa Bam pflanzn. De wo dro arban machn des ned nur fürd umwoid, sondan a wia a richtigs Gschäft, wos si mit Werbung finanzian duad. Da Werbespruch von Ecocho is "You search - we grow trees", wos so vui hoaßt wia "Du suachsch, und mia pflanzn Bam".

As Logo vo Ecocho

Nam

Der Nam Ecocho kump vo dem Woat eco, wos Umwoid hoaßt, und Woat cho, wos im Japanischn so vui bedeit wia suba oder bsundas is.

Weidare Bsundaheitn

Wos no bsundas is, is, das as bei Ecocho a weisse und a schwarze Version gibt. De schwarze Version spart nämlich bei de oidn Buidschirm, de wo no mit a Röhrn genga, Strom.

Technische Details

Echocho wiad betriam durch de Suachmaschin' Yahoo, weil se do mit denane an Vertrog gschlossn ham. Friara hods des ganze a no mit Google gem, aber de hom gsogt de von Ecocho hättn si ned an an Vertrog ghoidn, und den desweng wiada kündigt. Des is oa Grund, warum Ecocho jetzt wiada a bor weniga Leit hod, de wos a hernemma. Des wo ma bei Yahoo eingem duad, griagt ma a bei Ecocho, nua das as a weng länga dauan duad, wie Dauertests feschdgschdellt ham.

Ökologische Details

Nomoi zu denani Bam: Indems bei Ecocho Bam pflanzn, kennan de wiada CO₂, des gfahrli fiard Umwoidvaschmutzung is, und des wo fiad Klimaerwärmung zuaständig is (mit de Kia), abbaun, un in Sauastoff zruckverwandln. Wemma oiso oa Million moi wos suachn duad in Ecocho, dann hod ma 1000 Tonnen CO₂ aufbraucht. Dadurch kennan zum Boaspui 200 Autos ohne aufd Umwoid zum schaun a Joar long fahrn. Außadem san Bam, oda bessa a Woid a no a Lemsraum fiad Natur und Viecher.

Im Netz

• Ecocho