Eugenia Osterberger
D Prudencia Eugenia Juana Osterberger Luard, kuaz Eugenia Osterberger und spoda Madame Saunier (* 20. Dezemba 1852 z Santiago de Compostela, Galicien, Spanien; † 8. Feba 1932 z Nizza) woar a galicische Komponistin und Pianistin in da Romantik.
D Osterberger woar d Dochta vo oana Galiciarin aus da Stod A Coruña (spanisch La Coruña) und am ejsässischn Kupfastecha und Lithografn. Se hod se scho friah fia Musi intressiat und scho ois Kindl Klavia spuin gleant. Iare Leit hom d Eugenia af Fronkreich in d hähare Schui gschickt.
1874 is d Osterberger af Galicien zruckkema und hod do ois Musi- und Franzesisch-Leahrarin gorbat. Se hod se owa aa komponiat, is ois Pianiastin aftretn und hos se fia d galicische Kuitua engagiat und mid oahoamischn Kinstlan zommgorbat.
Ann 1879 hod d Osterberger an franzesischn Ingenieur Francisco Saunier Goubard gheirat, wo domois z Santiago de Compostela bschäftigt woar.
1908 is s mid iare Leit af Nizza in Fronkreich zong, wo s spoda aa gstoam is.
Weak Werkeln
Vo iam Weak is nua a weng bekonnt - a boar Dutzad Stickln. Es hod sicha vui mehra gebn, wei a bekonnts Stick hod beispuisweis d Opuszoi 158. Se hod voa oim Stickln fia Klavia und Gsong gschriem und an Haufa galicische Liada.[1]
- Stickln fia Klavia (solo): unta ondam drei Woiza und Stickln, wo an an Schubert ainnan.
- Liada: voa oim galicische Melodien; galicische Liada woarn ia Haptweak.
- Kammamusi: es is bis etz nua oa Stickl gfundn woar, owa es hod aa do mehra gebn.
Bibliographie Werkeln
López-Suevos Hernández, Beatriz; Martínez Martínez, María del Rosario (2017). Eugenia Osterberger. A compositora galega da Belle Époque (1852-1932). Ouvirmos. ISBN 978-84-944008-6-5.
Beleg Werkeln
- ↑ una muller non podía tocar música. Só un pouquiño para adornar o seu currículo e casar ben (Memento des Originals [1] vom 20. Fewer 2018 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis. (Praza Pública)
