File Transfer Protocol
File Transfer Protocol, kuaz FTP, is a Protokoll mit dem ma Datein über a Netzwerk oda s Internet hin- und her schickn kaun, wichtig is hoit dass des nur mitm TCP/IP-Protokoll geht.
FTP is 1985 des easchte moi im RFC 959 erklärt wordn und im OSI-Modell passts am bestn ind' 7er-Schicht eini. Vawendn kaun mas entweder um von am Server Datei'n aufn eigenen Computer owaz'lodn oda umgekehrt vom eigenen Computer aufn Server auffi. Wos beim Erfinden ned so docht gwesn is oba trotzdem zufällig geht is, dass ma von am ditten Computer aus Datei'n zwischn zwa Server kopiern kaun. Des bringt vor oim wos waun de Server a schnös Internet haum und da dritte Computer a laungsaums.
A normale FTP-Sitzung hot imma mehrane Verbindungen: A Kontrollverbindung und a oda mehrane Datenverbindungen. Üba de Kontrollverbindung wern vom Client Befehle zum Server gschickt und der schickt daun an Statuscode zruck, der aus drei Zeichn besteht und vo dem ma aussalesn kaun ob da Befö' guad gaunga is. De eigentlichen Daten wern über de Datenverbindung gschickt, die entweder im ASCII-Modus oda im Binärmodus sei kau.
Friha haums FTP a gnumma um si de E-Mails, de olle in ana Datei drin gstaundn sand, vom Mailserva owaz'hoin, owa des is heitzutogs nimma notwendig weils jo de gauzn aundan Mailprotokolle wia POP und IMAP gibt.
Aktives vs. Passives FTP
WerkelnMa kau a nu untascheidn zwischen aktivem und passivem FTP. Beim aktiven baut da Client a Kontrollverbindung zum Server auf und waun er daun a Datei hom wü vabind' si da Server zum Client zruck und schickt erm de Datei. Dafüa muas der Client oba a öffentliche IP-Adress hom oda es muas a Portweiterleitung aufm Router eigstöt wern und er derf a ka Firewall hom, die de Verbindung owehrt.
Beim passiven FTP vabind si daun fürn Dateitransfer a da Client nuamoi zum Server für de Datenverbindung.
Wia om scho steht kaun ma si daun hoit vo seim eigenen Rechner aus zu zwa Server vabindn und den an indn aktiven und den aundan indn passiven Modus schoitn und daun a Datei vom an zum aundan ummikopiern ohne dass ma si de zeascht owalodn muas.
Programme
WerkelnEs gibt gaunz vü Clients fürs FTP-Protokoll, vo denen de meisten a ois kinan, weils Protokoll eh ned so umfaungreich is. De meisten Webbrowser haum a scho an FTP-Client eibaut, wobei ma do owa bei de meisten nur owalodn kaun und ned auffi.
Im Netz
Werkeln- RFC 959 – File Transfer Protocol
- RFC 1579 – Firewall Friendly FTP
- RFC 2228 – FTP Security Extensions
- RFC 2428 – FTP Extensions for IPv6 and NATs
- RFC 2640 – Internationalization of the File Transfer Protocol*
- an Hoam-FTP-Server einrichtn
- Aktiv und Passiv FTP (englisch)
- Liste von FTP-Kommandos
Server
Werkeln- FTP Server Test (Online)
- FileZilla Server (Windows)
- Pure-FTPd (Unix)
- VsFTPd (Unix)
- ProFTPd (Unix)