Greana Neon

Der Artikl is im Dialekt Pongaurisch gschriem worn.

Da Greane Neon (Hemigrammus hyanuary), aa unter'm Nomen Costellosalmler bekonnt, is a Schwarmfisch aus da Familie vo de Echtn Salmler (Characidae). Trotz seim irrefiaratn Nom gheat'a nid za de Neonfisch aus da Gottung Paracheirodon, sondern za da Gottung Hemigrammus. Da Grea Neon leb im mittlern und owan Amazonas vo Iquitos bis São Paulo de Olivenca, sowia'm Hyanuary-See bai Manaus.

Greaner Neon

Systematik

Teilklass:	Echte Knochnfisch (Teleostei)
Iwerordnung:	Ostariophysi
Ordnung:	Salmlerortige (Characiformes)
Familie:	Echte Salmler (Characidae)
Gottung:	Hemigrammus
Oart:	Greaner Neon

Wissnschoftlicher Nom

Hemigrammus hyanuary

(Durbin, 1918)

Da Grea Neon is a friadlicher und ospruchsloser Schwarmfisch, der se weng seiner Gniagsomkeit uneigschränkt za da Hoitung im Aquarium, a in Gsejschoftsbeckn, eignet.

Merkmoie

Sei Gstoit is a Wengei hochrickiger ois wia de vo de Echtn Neon. Sei owaseitn is vo ner gejblichn bis olivgreanen Foub, vo da owakonntn vom Kimendecke bis za da Schwonzwurschzl ziacht se a grea bis gejblich schillernds Längsbond. Sei Bauchseitn is sijwrig. Da Grea Neon weascht viar Zantimeter long.

Flossnforme: Ricknflossn 11, Afterflossn 14-16

Furtpflonzung

Greane Neon leichn in da Dumperrung. Bei da Boiz schwimmts Mannei unters Weiwei und foigt dem seine Bewegungen, um se bei da Oa-Olog seitlich eng ans Weiwei zan schmiang. D' Jungfisch schlipfnd nouch ebber 24 Stund und schwimman eascht nouch seggs Doug frei.

Literatua

Günther Sterba: Süßwasserfische der Welt, Urania-Verlag, 1990, ISBN 3-332-00109-4
Hans A. Baensch, Rüdiger Riehl: Aquarien Atlas, Band 1. Mergus Verlag, 1997, ISBN 3-88244-101-1