Grundkroft

A Grundkroft oda Grundwexlwiakung, dt.: fundamentale Wechselwirkung, engl.: fundamental interaction) is a Beziahungsmusta in an physikalischn System, des wo si oscheinend ned weida afschlissln losst. Olle physikalischn Eascheinunga ko ma af sejchane Grundkräft zruckfiahn.

Es wean meistns via Grundkräft gnennt: Schwaakroft (Gravitation), stoarke Wexlwiakung, schwoche Wexlwiakung und elektromagnetiscdhe Wexlwiakung. Im heiting Standardmodej wean de schwoche Wexlwiakung und de elektromagnetische Wexlwiakung aus da elektroschwochn Wexlwiakung heagloadt. So dos im Prinzip nur drei Grundkräft gabat. In da Elementaraitzalphysik wead heit owa andraseits aa no vo ana weidan Wexlwiakung im Higgsfejd gredt.

In da klassischn Physik san de Kroftgsetz fiad Gravitation und de elektromagnetische Wechslwiakung ois Axiome betrochd woan. In da Quantenfejdtheorie dageng wean dageng olle Grundkräft aufn Austausch vo virtueje Bosona zruckgfiahd. Des gehd fiad stoake, de schwoche und de elektromagnetische Wechslwiakung (Standardmodej). A konsistente Quantenfejdtheorie fiad Gravitation (Quantengravitation) existiad bis hiazd no ned.

De Steakn vo de Grundkräft nahan se mid zuanehmenda kinetischa Energie von de Aitzal, zwischn denas wiakn, ananda o. Es is aa davo auszgeh, dass de Grundkräft bei extrem houcha Enagie, wie beispuisweis nochm Urknoi, gleich stoark woan.

Stoarke Wexlwiakung

• bindt olle Hadronen (Baryonen und Mesonen, aiso de aus Quarks aufbaudn Teilchen) anananda und is indirekt fian Zammahoid da Atomkean vaantwoatlich (de Keankraft stejd nua a Restwechslwiakung da eigntlichen 'stoakn Kraft do, Äquivalent zua Van-der-Waals-Wechselwirkung in Moleküle).
• rechd kuaze Reichweitn vo 2,5·10⁻¹⁵ m, wei de zuakerige Foabladung auf gräßane Distanzen ned "nackt" autritt (schausd Confinement)
• stäaksde olla bekanntn Wechslwiakungen
• Austauschteilchen san de Gluonen

Schwoche Wechslwiakung

• vaantwoatlich fia bestimmte radioaktive Zafoisprozesse (z. B. Betazafoi), aba a wichtig beim Kernfusionsprozess in da Sun.
• rechd kuaze Reichweitn vo 10⁻¹⁸ m aufgrund massiva Austauschteilchen
• im Vagleich zua stoakn Wechslwiakung 10⁻¹³-mal so stoak
• Austauschteilchen san de Bosonen Z⁰, W⁺ und W⁻

Elektromagnetisch Wechslwiakung

• vaantwortlich fiad meistn oitäglichn Phänomene (Liacht, Elektrizität und Magnetismus, Chemie, Festköapaeignschaftn, …)
• unendliche Reichweitn (alladings kompensian se üblichaweis positive und negative Lodunga rechd exakt)
• ko oziangd und obstoßnd wiakn, je noch Voazeichn da beteiligtn Lodunga.
• im Vagleich zua stoakn Wechslwiakung 10⁻²-mal so stoak
• Austauschteilchen is as Photon

Schwaakroft

• dominiad de groaßraimign Struktuan vom Universum weis ned obschiamboa is (wiakt imma oziangd)
• unendliche Reichweitn
• schwächste vo oin Wechslwiakunga
• im Vagleich zu stoakn Wechslwiakung nua 10⁻³⁸-moi so stoak
• postuliads, bisland ned nochgwiesns Austauschaitzal is as Graviton
• postuliade Wiakung duach olle in da Stringtheorie postuliadn, bislang ned nochgwiesnan, Raumdimensiona

Im Netz

• De 4 Wechslwiakungen (Grundkräfte), guad eakläad