Gschwindigkeit

De Gschwindigkeit (dt.: Geschwindigkeit, engl.: velocity, Foamezoachn: $v$) gibt o, wejchane Streckn a Keapa in ana bstimmtn Zeid zruckglegt hod. Es is de Bewegung vo ana Soch im Vahejtnis zua Zeid (Tempo) in a bstimmte Richtung.

A Bison im Galopp

De Gschwindigkeit is a Physikalische Basisgreß und a Grundbegriff vo da klassischn Mechanik.

De internationale Oaheid fia Gschwindigkeit is Meta pro Sekund (m/s). Im Oidog rechnat ma moast mid Kilometa pro Stunde (km/h) und in da See- und Luftfoaht mit Knepf (kn, dt.: Knoten).

Definition vo da Gschwindikeit in da Physik

De Definition vo da Gschwindikeit ois Zeidobloatung vom Oat ko ma in via Schriddn nochvoiziang:

1. De Gsomtduachschniddsgschwindigkeit: ${\bar {v}}={x \over t}$
2. De Duachschniddsgschwindigkeit in an bstimmtn Obschnidd: ${\bar {v}}={\Delta x \over \Delta t}={x_{2}-x_{1} \over t_{2}-t_{1}}$
3. De Momentangschwindigkeit (= de differentieje Obschniddsgschwindigkeit): $v={\mathrm {d} x \over \mathrm {d} t}=\lim _{\Delta t\to 0}{\Delta x \over \Delta t}$
4. A Streck hod imma a Richtung und is desweng a Vektor:

${\vec {v}}={\mathrm {d} {\vec {x}} \over \mathrm {d} t}=\lim _{\Delta t\to 0}{\Delta {\vec {x}} \over \Delta t}$

Bezug za andan physikalischn Greßn

De easchte Obloatung (Differenziorechnung) vo da Gschwindigkeit noch da Zeid is de Bschleinigung:

${\vec {a}}(t)={\dot {\vec {v}}}(t)={\ddot {\vec {s}}}(t)$

De zwoate Obloatung vo da Gschwindigkeit noch da Zeid is a Ruck in ana Bewegung:

${\vec {j}}(t)={\ddot {\vec {v}}}(t)={\dot {\vec {a}}}(t)$

Da Impujs – oiso da „Schwung“ – vo an Keapa vo da Massn $m$ brechnt si noch

${\vec {p}}=m{\vec {v}}$

De kinetische Energie brechnt si duach:

$E_{\mathrm {kin} }={\frac {1}{2}}mv^{2}={\frac {p^{2}}{2m}}$

De Gleichunga gejtn nua, wann de Gschwindigkeit vui kloana is ois wia de Liachtgschwindigkeit.

Literatua

• Robert Resnick and Jearl Walker, Fundamentals of Physics, Wiley; 7 Sub edition (June 16, 2004). ISBN 0-471-23231-9.

Im Netz

 Commons: Gschwindigkeit – Sammlung vo Buidl, Videos und Audiodateien

• Beispui zua Messung vo Gschwindigkeit im Oidog