Hålbmittåg

Hålbmittåg isch a tipischer Sidtiróler Begriff; werd af der erschtn Silb betónt. Hålbmittåg bezeichnt die Zeit gegn naine Vórmittåg, und mehr nó dés Brót wås zu der Zeit géssn werd. Zun Brót kånn mån die verschiednstn Såchn derzua éssn, gsålzne óder siaße. Es muaß aa nét umbedingg Brót sein. A Toal Lait éssn a Siaßspeis óder går nix. Af Hålbmittåg werd normalerweis aa épes trunkn.

In Éstreich sågg man (Vórmittågs-)Jause, (sel kimmp ausn Slawischn), in Bayern Brótzeit.